"İslam Kərimov 90,39% səs toplayıb" - Özbəkistan MSK
Baxiş sayı:
Dərc olunub:
30/03/2015 - 18:06
Özbəkistan Mərkəzi Seçki Komissiyası martın 29-da keçirilən prezident seçkilərində hazırkı dövlət başçısı İslam Kərimovun qalib gəldiyini açıqlayıb. APA-nın TASS-a istinadən xəbərinə görə, MSK sədri Mirzə Uluqbəy Abdusalomov İ.Kərimovun seçicilərin 90,39% səsini aldığını bildirib.
Onun sözlərinə görə, hazırkı prezidentin lehinə 17,2 mln. nəfər səs verib.
Qeyd edək ki, Özbəkistanda səsvermə hüququ olan 20 mln. seçicinin 85%-i martın 29-da keçirilən seçkilərdə səs verib. Prezidentlik uğrunda 4 namizəd - hazırkı prezident İslam Kərimov, Xalq Demokrat Partiyasından Hatəmcon Ketmonov, “Milli tıklaniş” Demokrat Partiyasından Akmal Saidov və Sosial-Demokrat “Adolat” Partiyasından Narimon Umarov mübarizə aparıb.
Şərhlər
Hər hansısa bir şərh yazılmayıb.