Bakı-2015: Məşəlin Azərbaycan gəzintisi - TAM MARŞRUT
İyunun 12-28-də Bakıda keçiriləcək Avropa Oyunları məşəl səyahətinin marşrutu tam müəyyənləşib. Apasport.az saytının məlumatına görə, aprelin 26-da Atəşgah Məbədində alovlandırılacaq məşəl 48 gün ölkə ərazisində gəzintidə olacaq.
Bakı-2015-in mərasimlər üzrə direktoru Katerina Uqvu bildirib ki, Alov səyahəti Avropa Oyunlarına gedən yolda yüksək əhval-ruhiyyənin və marağın yaranmasına səbəb olacaq. Səyahət bundan sonra baş verəcək hadisələrin gedişatını müəyyən edəcək.
Onun sözlərinə görə, səyahət zamanı ümumilikdə 1000-dən çox məşəlçi iştirak edəcək. Məşəl yer üzərində avtobus, funikulyor, velosiped, yer altında Bakı metrosu, suda qayıq, havada isə təyyarə ilə daşınacaq.
Azərbaycan mədəniyyətinin simvolu olan məşəlin ilk səfəri Naxçıvana olacaq. Azərbaycanın ecazkar təbiətinin, zəngin mədəniyyətinin və tarixi irsinin təbliğ olunacağı təntənəli mərasimlərlə müşayiət olunacaq alov, ölkə boyunca 60 rayonu səyahət edərək Oyunların ruhunu yayacaq və insanların qəlblərini isidəcək.
Uqvunun sözlərinə görə, məşəl Azərbaycan xalqının 99 faizinin bir saatlıq gəzintiyə sərf etdiyi vaxt qədər səyahət edəcək və marşrut boyunca minlərlə insanın gündəlik tədbirlərə qatılacağı gözlənilir.
Alov iyunun 12-də təşkil olunacaq açılış mərasiminədək təxminən 5500 km məsafəni səyahət edəcək. 15 şəhər mərkəzində Alov festivalı da təşkil olunacaq.
Qeyd edək ki, “Yarat”ın bədii rəhbərliyi ilə Sebastian Berqnenin dizayn etdiyi Bakı-2015-in məşəl və çırağını ənənəvi Azərbaycan metal işləmələrindən ilhamlanmış materiallar və texnikaların istifadə edilməsi ilə işlənib və hazırlanıb. 660 mm hündürlüyü olan məşəlin gövdəsi yarışın brendində yer alan nar ağacını xatırladır. Alovu qoruyan mis başlıq da nar formasındadı. Onun 50 çəyirdəyi Oyunlarda iştirak edən ölkələrin sayını təmsil edir.
Alov hər məntəqədə Məşəl və Oyunların brendindən götürülmüş, nar ağacı motivləri əsasında Azərbaycanın milli-mədəni dəyərlərini əks etdirərək hazırlanmış neftlə yanan çıraqlara ötürüləcək.
| Xəritə istinadı | Tarix | Məkan | Tədbir |
| 1 | 26 aprel | Atəşgah Məbədi | Alovun yandırılması |
| 2 | 27 aprel | Naxçıvan | Alov festivalı |
| 3 | 29 aprel | Lənkəran | Alov festivalı |
| 4 | 1 may | Lerik | Qarşılama mərasimi |
| 5 | Astara | Qarşılama mərasimi | |
| 6 | 2 may | Yardımlı | Qarşılama mərasimi |
| 7 | Masallı | Qarşılama mərasimi | |
| 8 | 3 may | Biləsuvar | Qarşılama mərasimi |
| 9 | Cəlilabad | Alov festivalı | |
| 10 | 4 may | Salyan | Qarşılama mərasimi |
| 11 | Neftçala | Qarşılama mərasimi | |
| 12 | 5 may | Şirvan | Qarşılama mərasimi |
| 13 | Hacıqabul | Qarşılama mərasimi | |
| 14 | 6 may | Saatlı | Qarşılama mərasimi |
| 15 | Sabirabad | Alov festivalı | |
| 16 | 7 may | İmişli | Qarşılama mərasimi |
| 17 | Horadiz, Füzuli | Alov festivalı | |
| 18 | 9 may | Beyləqan | Qarşılama mərasimi |
| 19 | Yeni Xocavənd, Beyləqan | Qarşılama mərasimi | |
| 20 | 10 may | Ağcabədi | Qarşılama mərasimi |
| 21 | Quzanlı kəndi. Ağdam | Alov festivalı | |
| 22 | 12 may | Zərdab | Qarşılama mərasimi |
| 23 | Tərtər | Qarşılama mərasimi | |
| 24 | 13 may | Yevlax | Qarşılama mərasimi |
| 25 | Bərdə | Alov festivalı | |
| 26 | 14 may | Goranboy | Qarşılama mərasimi |
| 27 | Naftalan | Qarşılama mərasimi | |
| 28 | 15 may | Göygöl | Qarşılama mərasimi |
| 29 | Gəncə | Alov festivalı | |
| 30 | 16 may | Daşkəsən | Qarşılama mərasimi |
| 31 | Samux | Qarşılama mərasimi | |
| 32 | 18 may | Qazax | Qarşılama mərasimi |
| 33 | Ağstafa | Qarşılama mərasimi | |
| 34 | 19 may | Tovuz | Qarşılama mərasimi |
| 35 | Gədəbəy | Qarşılama mərasimi | |
| 36 | 20 may | Şəmkir | Alov festivalı |
| 37 | 21 may | Ucar | Qarşılama mərasimi |
| 38 | Göyçay | Qarşılama mərasimi | |
| 39 | 22 may | Ağdaş | Qarşılama mərasimi |
| 40 | Mingəçevir | Alov festivalı | |
| 41 | 23 may | Balakən | Qarşılama mərasimi |
| 42 | Zaqatala | Qarşılama mərasimi | |
| 43 | 24 may | Qax | Qarşılama mərasimi |
| 44 | 25 may | Oğuz | Qarşılama mərasimi |
| 45 | Şəki | Alov festivalı | |
| 46 | 26 may | İsmayıllı | Qarşılama mərasimi |
| 47 | Qəbələ | Alov festivalı | |
| 48 | 27 may | Kürdəmir | Qarşılama mərasimi |
| 49 | 29 may | Ağsu | Qarşılama mərasimi |
| 50 | 30 may | Qobustan | Qarşılama mərasimi |
| 51 | Şamaxı | Alov festivalı | |
| 52 | 31 may | Sumqayıt | Qarşılama mərasimi |
| 53 | Xızı | Qarşılama mərasimi | |
| 54 | 1 iyun | Qusar | Qarşılama mərasimi |
| 55 | Quba | Alov festivalı | |
| 56 | 3 iyun | Xaçmaz | Qarşılama mərasimi |
| 57 | 4 iyun | Şabran | Qarşılama mərasimi |
| 58 | 5 iyun | Siyəzən | Qarşılama mərasimi |
| 59 | Xırdalan | Qarşılama mərasimi | |
| 60 | 6 iyun | Qobustan Milli Parkı | Alov festivalı |
| 61 | 7 iyun | Bakı | Məşəlin Bakıya gətirilməsi |
| 61 | 8 iyun | Bakı | İdman obyektləri günü |
| 61 | 9 iyun | Bakı | İçərişəhər gün |
| 61 | 10 iyun | Bakı | İncəsənət və Memarlıq günü |
| 61 | 11 iyun | Bakı | Şəhərdə son şənlik mərasimləri |
| 61 | 12 iyun | Bakı | Açılış mərasimi |
Şərhlər
Hər hansısa bir şərh yazılmayıb.