“Prezidentlikdən gedə bilərəm...”- Putin
Rusiya prezidenti Vladimir Putin prezidentlikdən getməyi tamamilə mümkün sayır. Musavat.com-un Rusuya KİV-ə istinadən verdiyi xəbərə görə, bu barədə o, “Prezident” filmində dövlət başçısı postunda 15 illik fəaliyyəti ilə bağlı sualı cavablandırarkən deyib. “Özümü tamamilə bu vəzifədən kənar təsəvvür edə bilərəm” – bildirib Putin: “Əgər insan adi mənzilə qayıdıb orada yaşaya bilirsə, nəinki saray interyerlərində mövcud ola bilir, o zaman hesab edirəm ki, o, xarici aləmlə əlaqəni itirməyib”.
Rusiya prezidenti hakimiyyətə gəlişinin ilk illərində - hökumətə rəhbərlik elədiyi dövrdə oliqarxların təzyiqləri ilə üzləşdiyini də söyləyib. “Yeltsin elan edəndə ki, mən prezidentliyə namizəd olacağam, onlardan bəziləri yanıma, kabinetə gəldilər və düz qarşımda oturub dedilər: “Başa düşürsünüz də, siz burada heç vaxt prezident ola bilməyəcəksiniz”. Mən isə onlara dedim: “Baxarıq da””.
Oliqarxları necə neytrallaşdırmağa gəlincə, Putin qısaca belə “Bunu müxtəlif cür, müxtəlif vasitələrlə etdim” – deyib.
Şərhlər
Hər hansısa bir şərh yazılmayıb.