Daha bir karikatura qalmaqalı: ölənlər var - Foto

ABŞ-dakı sərgi mərkəzlərindən birində İslam peyğəmbərinin karikaturası yenidən nümayiş olunur

ABŞ-ın Texas ştatının Qarlend şəhərinin sərgi mərkəzlərinin biri bütün müsəlmanların dini hissiyatına toxunacaq hərəkətə imza atıb. Anspress-in məlumatına görə, burada Muhəmməd (s.) peyğəmbərin qalmaqallı karikaturalarının sərgisi keçirilib.

Sərgi qansız ötüşməyib. Belə ki, Breakingnews portalı xəbər verir ki, sərgi mərkəzinin qarşısında güclü atışma baş verib.

Atışma nəticəsində 2 nəfər ölüb.

Hazırda polis biznes mərkəzdə olan insanların təxliyyəsi ilə məşğuldur.

Sərgi mərkəzinin qarşısında şübhəli maşın var və hazırda sapyor-robot partayıcı qurğu olma ehtimalını araşdırır.

Qeyd edək ki, "Şarl Hebdo" jurnalında peyğəmbərin karikaturasını çəkən rəssam ötən həftə açıqlama verərək bir daha peyğəmbərin karikaturasını çəkməyəcəyini açıqlamışdı.