“Qoşatəpə” gömrük-keçid məntəqəsi ilə bağlı rəsmi açıqlama

Dünən bəzi informasiya saytlarında İran İslam Respublikasına keçmək istəyən 1000-ə yaxın şəxsin Dövlət Gömrük Komitəsinin (DGK) Biləsuvar Gömrük İdarəsinin “Qoşatəpə” gömrük-keçid məntəqəsinin gömrük zonasında növbə gözləməsi barədə həqiqətə uyğun olmayan xəbərlər yayılıb, məsələyə aidiyyəti olmayan və guya bu sıxlığı əks etdirən fotoşəkil yerləşdirilib.

Bu barədə APA-ya DGK-nın mətbuat xidmətindən məlumata verilib.

DGK bildirir ki, Biləsuvar Gömrük İdarəsinin “Qoşatəpə” gömrük-keçid məntəqəsinin gömrük zonasında dünən də, bu gün də heç bir problem yaranmayıb.