“Bank Technique”də yoxlamaların məqsədi məlum oldu
Bank sədri və filial rəhbərinin ifadələrini alaraq sərbəst buraxıblar
İri oliqarxların həbsi ilə bağlı başlanmış “Beynəlxalq Bank işi”nin istintaqının “Bank Technique”ya çatması haqda məlumat dərc etmişdik. Əldə etdiyimiz məlumata görə artıq bankda yoxlamalar sona çatıb.
Bankın sədri Rövşən İsmayılov ifadəsi alındıqdan sonra sərbəst buraxılıb. Qaynağımız bildirib ki, bankdan götürülən sənədlər də yoxlanıldıqdan sonra geri qaytarılıb. Yada salaq ki, “Bank Technique” sədri Rövşən İsmayılov ötən həftəsonu saxlanılmışdı. R.İsmayılovun “Beynəlxalq Bank işi”nin istintaqını aparan DİN-in Baş Mütəşəkkil Cinayətkarlıqla Mübarizə İdarəsinə aparmışdılar. Bankın baş ofisi ilə yanaşı “Xəzər” filialında da yoxlamalar həyata keçirilmişdi.
Xəbərlərə görə, iqtidar Avropa Oyunlarının yaxınlaşması ilə əlaqədar “oliqarxqeyt işi” ilə bağlı xəbərləri qismən ikinci plana keçirməkdə maraqlıdır. Amma tapşırığa görə, istintaq işini hərtərəfli davam etdirəcək. İndi əsas diqqət ölkədən qaçdığı deyilən iş adamlarının (onların sırasında Dünyamin Xəlilovdan, Hafiz Məmmədovdan başqaları da var) həbsinə nail olmaqdır. Məlumata görə, banklara borclu olub ölkədən qaçanların siyahısı kifayət qədər genişdir və hələ bu işdə çoxadamlar azadlıqlarını itirəcəklər...
Şərhlər
Hər hansısa bir şərh yazılmayıb.