ƏLİŞİR, İNTELLEKTUAL ELİTA VƏ KASIBLIĞIN SİRRİ... - Həbslər və Patruşevin Bakı səfəri
Xəbərlər bir-birini tamamlayır! - Ürək dağlayan mənzərə
Son günlər xarici və yerli KİV-in yaydığı bəzi informasiyaları «sapa düzdükcə», sanki onlar bir-birini tamamlayır və bəzi acı həqiqətlərin üzərinə işıq salır. Bu yazıda Azərbaycan cəmiyyətinin maraq dirəsinə daxil olan bu xəbərləri ard-arda sıralamaq və gəldiyim bəzi mühüm nəticələri hörmətli oxucularla bölüşmək qərarına gəldim. Beləliklə, buyrun...
Birinci xəbər
Nə qədər qəribə olsa da, bu xəbər «Nobel medalı» və Rusiyanın ən varlı iş adamı sayılan özbək əsilli Əlişir Usmanova aiddir. Xəbərdə deyilir ki, amerikalı alim-bioloq, 1962-ci ildə Nobel mükafatı almış Ceyms Uotson elmi-tədqiqatlarını davam etdirmək məqsədilə pul əldə etmək üçün 2014-cü ildə (dekabr) özünün «Nobel medalı»nı satıb (AzPolitika.info, 18.06.2015). Kimə satsa yaxşıdır? Özbək əsilli Rusiya milyarderi Əlişir Usmanova, özü də 4,8 milyon dollara!
Maraqlısı isə bundan bir neçə ay sonra baş verib. Necə olubsa, bu yaxınlarda Əlişir Usmanov həmin medalı əvəzsiz olaraq, amerikalı alimin özünə qaytarıb. Başqa sözlə, Əlişir müəllim Uotsona 4,8 milyon dollar həcmində «sponsor»luq edib...
İlk baxışda, hər şey gözəl və yerli-yerində görsənir, bir amması olmasaydı. Əmması da ondan ibarətdir ki, Usmanov bu medalı nə üçün alıbmış və hansı səbəbdən, sahibinə qaytarıb? Üstəlik də bu qədər sərvəti cənab Usmanov necə əldə edib? Gəlin razılaşaq ki, Rusiyada, Özbəkistanda on minlərlə elm adamı, elmi-tədqiqat işi külli vəsaitə ehtiyac duyduğu bir vaxtda, Əlişir müəllim sponsorluğu məhz nə üçün amerikalı alimə edib?
Bu suallar ətrafında düşünərkən, ilk olaraq, Əlişir Usmanovun bioqrafiyası ilə ötəri tanış olmaq fikrinə düşdüm. Açıq mənbələrdən öyrəndim ki, Əlişir Usmanov Özbəkistan Kommunist Partiyası Mərkəzi Komitəsinin birinci katibi Şərəf Rəşidovun komandasında çalışmış Daşkənd şəhər prokuroru Burhan Usmanovun oğludur. O, 1953-cü ildə Namanqan vilayətinin Çust şəhərində anadan olub.
2012-ci ilin martında Bloomberg Usmanovun sərvətini 20 milyard dollar həcmində qiymətləndirərək, onu Rusiyanın ən varlı adamı elan edib. “Forbes” jurnalının versiyası üzrə Əlişir Usmanov 2012-ci ildə dünyanın ən nüfuzlu adamları sıransında 67-ci pillədə qərar tutub.
Maraqlıdır ki, qeyri-rus əsilli bu şəxs necə olub ki, Rusiyanın «oliqarxiya zirvəsi»nə yüksələ bilib?
Əvvəlcə qeyd etmək yerinə düşərdi ki, bu şəxs 1980-ci ildə məşhur «təmizləmə» əməliyyatları nəticəsində Türküstan hərbi dairəsi tribunalı tərəfindən özgə əmlakını qorxutma, aldatma, öldürməklə hədələmə yolu ilə əldə etmək əməllərinə görə, 8 il müddətinə azadlıqdan məhrum edilib. Məlumata görə, Özbəkistan Dövlət Təhlükəsizliyi Komitəsinin sədr müavini, DTK xüsusi şöbəsinin əməliyyat müvəkkili Nasımov Əlişir Usmanovun şəriki olub. Azadlıqdan məhrum edilən Usmanovun əmlakı da müsadirə olunub.
1986-cı ildə o, «səmimi peşman olduğuna» və «nümunəvi davranışına» görə, vaxtından əvvəl azalığa buraxılıb. Bir qədər sonra, Usmanov siyasi repressiyanın qurbanı olduğunu bəyan edib. Usmanovun Nasımovla birlikdə törətdiyi cinayətlərin təfərrüatı barədə əldə heç bir məlumat yoxdur. KİV-nin məlumatına görə, cinayət işinin materialları məhv edilib. Usmanova qarşı cinayət işinin uydurulmuş olduğunu əsas gətirən Özbəkistan Ali Məhkəməsi onu tam reabilitasiya edib («Sobesednik», 23.10.2007 il).
Ötən əsrin 90-cı illərində mətbuatda Əlişir Usmanovun SSRİ DTK xarici kəşfiyyat şöbəsinin podpolkovniki Yevgeni Ananyevlə və Sergey Yastrjemski ilə (2000-ci ildə prezident Putinin köməkçisi vəzifəsinə gətirilib) yaxın tanışlığı barədə məlumatlar yer almağa başlayıb. Bundan başqa Usmanovun Dövlət Dumasının deputatı Andrey Skoç və biznesmen Lev Kvetnoy (hər ikisinin adı Solntsev mütəşəkkil cinayətkar qruplaşması ilə əlaqədə hallanır - birinici «Skotç», ikinci isə «Kvetnoy» ləqəbi ilə) ilə işgüzar münasibətləri barədə xəbərlər yayılıb. Bundan başqa, onun Şimali Qafqaz mafioz klanı ilə əlaqələri barədə də məlumatlar var. Xəbər verilir ki, Ananyevlə Usmanov 80-ci illərin sonlarında - Moskva Dövlət Beynəlxalq Münasibətlər İnstitutunu (Bu nüfuzlu təhsil müəssisəsinin məzunlarının əksəriyyəti arasında sıx əməkdaşlıq münasibətləri indi də davam edir!) bitirəndən sonra tanış olub.
Qafur Rəhimovla əlaqələri
Qafur Rəhimov «Qardaş çevrəsi» adlandırılan beynəlxalq (MDB) mafiyanın başçılarından biridir və Özbəkistanda narkotik maddələrin istehsalı ilə məşğul olan mütəşəkkil narkoqruplaşmanın şefidir.
Məlumatlara görə, 2011-ci ildə ABŞ prezidenti Barak Obama «rus mafiyası»nı italyan və yapon kriminal sindikatları ilə müqayisə edib və «qardaş çevrəsi»ni yapon «yakudza»sı, italyan «kamorro»su, Meksika karteli «Los Zetas»la bir sıraya aid edib. Prezident bu qruplaşmaya aid olan adamların vəsait və aktivləri üzərinə həbs qoyulması üçün qərar verib və amerikalılara onlarla işgüzar təmasları qadağın edib. «Qardaş çevrəsi»nə daxil olan ilk 7 şəxsin adı 2012-ci ilin fevralında «qara siyahı»ya düşüb. O zaman ABŞ Maliyyə Nazirliyi izah edib ki, «qardaş çevrəsi» - çoxmillətli kriminal qruplaşmadır və Rusiyada, MDB-də, Yaxın Şərqdə, Avropada, Afrikada fəaliyyət göstərən sindikatların liderlərini özündə birləşdirir. «Açar fiqur»lar kimi Vladislav Leontyevin, Vasili Xristoforovun və Qafur Rəhimovun adları çəkilir. Rusiyada axtarışa verilmiş Leontyev narkotiklərin daşınması və digər cinayətlərdə ittiham olunur. ABŞ Maliyyə Nazirliyi Qafur Rəhimovu Özbəkistandakı cinayətkar aləmin lideri hesab edir və bildirir ki, o, Özbəkistanda narkotik maddələrin istehsalını kurasiya edir...
Britaniya səfiri nə deyir?
İkinci xəbər
Maraqlıdır ki, sabiq baş nazir bu sözləri məhz Rusiya prezidenti Vdadimir Putinin bilavasitə iştirak etdiyi toplantıda səsləndirib. Bəs, Rusiya bu çağırışlardan nəticə çıxarmaq və vəziyyəti düzəltmək üçün hərəkətə keçməyə hazırdırmı (və ya indiki halda, qadirdirmi?)? Söyləmək çətindir, amma bir məsələ şübhə doğurmur - nə qədər ki, nəhəng Rusiyanın pulu-parası dövlətin deyil, ayrı-ayrı kriminalların sərəncamındadır, çətin ki, bu ölkədə yaxşılığa doğru nə isə dəyişsin...
Üçüncü xəbər
Belədə, məntiqi sual yaranır: bəs, Rusiya kimi bir nəhəngin pulları hanı və ya nə üçün pulu yoxdur? Cavabı olduqca sadədir - Rusiyanın pulları Əlişir Usmanov kimi kriminal oliqarxların - rüşvətxor məmurların, simasız siyasətçilərin, «qardaş çevrəsi» adlandırılan rus-MDB mafiyasının əlində cəmləşib, dövlətin büdcəsi isə BOŞDUR!
Bu sətirləri yazarkən, istədiyim odur ki, hörmətli oxucu Rusiyadakı mövcud durumun, cərəyan edən dağıdıcı proseslərin paralellərini doğma Azərbaycanda «tuta bilsinlər». Ölkəmizdə son aylar ərzində baş verənlər bunu bizə diqtə edir...
Dördüncü xəbər
İstər-istəməz, məlumatın hansı fon daxilində yayıldığı barədə düşündüm. Fonun ümumi mənzərəsi belədir - banklardan milyardların oğurlanması, iş adamlarının götürmüş olduğu kreditləri qaytarmaqdan yayınması, dövlət pullarının səmərəsiz istifadəsi, məmurların məsuliyyətsiz davranışı, total qarət və rüşvətxorluq... bütün bunlara görə, kütləvi həbslərin həyata keçirilməsi və s.
Ardınca, «Tambov qruplaşması» barədə materialları aradım. Məlum oldu ki, bu mafioz dəstənin başçısı Aleksandr Malışev hələ 1980-ci ildə iki dəfə həbsdə olmağa «macal tapıb» və Leninqradda «məskən salıbmış». Əvvəllər, «Tambov qruplaşması»nın çətiri altında fəaliyyət göstərib, sonra isə öz qrupunu «Malışev qruplaşması»nı yaradıb. Ardınca, tambovluları, kolesnikovluları, kemerovluları, komaovluları, permliləri, kudryaşovluları, kazanlıları, tarasovluları, severodvinliləri, saransklıları, yefimovluları, krasnoselskliləri, vorkutiyalıları, voronejliləri, AZƏRBAYCANLILARI, çeçenləri, dağıstanlıları və s. öz sıralarına qata bilib.
2015-ci ilin martına aid olan açıq məlumatların birində deyilir ki, Rusiyalı kriminal avtoritet Aleksandr Laqnas Qonsales - Malışev 20 ildən sonra nəhayət, Sankt-Peterburqa qayıdıb və qapalı həyat sürür, guya səhətinin bərpası ilə məşğul olur. Ən əsası budur ki, Malışev Rusiyadadır və heç nədən çəkinmədən, sərbəst həyat sürür. Deməli, onun Azərbaycanla qurulmuş əlaqələri də işlək vəziyyətdə olmamış deyil. Son dövrdə Azərbaycandan böyük həcmlərdə pulların xaricə ötürülməsi belə düşünməyə yetərincə əsas verir. Nədən ki, yerli oğru-oliqarxlar təkbaşına belə böyük məbləğləri xaricdə «yan-yön» eliyə bilməzdilər...
Patruşevin reputasiyası barədə general Oleq Kaluqin «Azadlıq» radiosuna verdiyi müsahibədə belə deyib: «...Nikolay Patruşev isə mənim keçmiş köməkçim olub. Həm də yazı-pozu üzrə köməkçim yox, əsl «Zati alilərinin adyutantı». Mənə balıq ovu təşkil edərdi, səfərlərimdə məni müşaiyət edərdi. Yaxşı bürokrat-köməkçi idi. Bax, indi Təhlükəsizlik Şurasının katibidir...».
İstər-istəməz, düşünməli olursan - bəlkə onu göndəriblərmiş ki, Bakıdakı bu tuthatutu yoluna qoysun və ya lazımi adamları «tapşırsın»? İstisna etmək olmaz...
Çünki, tuthatutun gedişində Bakıda iki «böyük yanğın» hadisəsi baş verdi. Bunun bir xəbərdarlıq olduğunu da istisna etmək olmaz...
Epiloq
Məlumdur ki, Azərbaycan da Rusiya kimi «neft iynəsi» üstündə oturub. Neftin qiyməti zirvədə olanda kef eliyən Azərbaycan hökuməti, dünya bazarında (Artur hökumətinin iradəsindən kənardakı məkanda) qiymət düşən kimi, milli valyutanı bircə günün içində 35,0 faiz «quyunun dibinə» yuvarlatdı. Yəni ki, xoş gündə bu «elmdən kənar qruplaşma» ölkədə bilik iqtisadiyyatı qurmaq barədə heç düşünmədi də. Əvəzində, Avropa oyunlarına üstünlük verib, milyardları bu oyunların təşkilinə yönəltdi. Bəs, oyunlardan sonra nə baş verəcək? Allahdan arzum budur ki, 1980-ci il olimpiadasından sonrakı mərhələdə SSRİ-də baş verənlər Azərbaycanın başına gəlməsin!
Hələ 2000-ci illərin əvvəllərində Rusiyada nəşr olunan bir elmi-populyar jurnalda xeyli maraqlı məqaləyə rast gəldim və oxudum. Söhbət 1961-62-ci illərdə, prezident Kennedinin qətlindən bir müddət əvvəl (həm də guya, bu qətlə hazırlıq məqsədilə!) ABŞ-da həyata keçirilmiş elmi təcrübədən - şərti adı «Velzi» olan layihədən gedir. Elektron-hesablama maşını ilə aparılan elmi təcrübənin gedişində (insanı elektron maşının iradəsinə tabe etdirmək məqsədilə qoyulmuş təcrübə) məlum olub ki... boks yarışları dünyada ən çox korrupsiyaya uğramış sahələrdən biridir. Bu nəticəyə elektron maşın gəlib...
Bu günlərdə FİFA daxilində baş verənlər bir daha təsdiqlədi ki, indi idman sektoru dünyada insan fəaliyyətinin ən çox korrupsiyaya uğramış sahəsidir!
Belə bir şərait daxilində Azərbaycanda iqtisadiyyatı diversifikasiya etmək, bilik iqtisadiyyatının qurulmasına investisiya qoymaq əvəzinə, “Artur hökuməti” məhz hansı səbəbdən dolayı "oyunlara" milyardlar xərcləyir?! Düşündürücüdür, deyilmi?...
Mirzə AĞ
AzPolitika.info
Şərhlər
Hər hansısa bir şərh yazılmayıb.