İŞİD-in 14 min silahlısı öldürüldü - FOTO

Terrorçular arasında Mosulun Şenqal bölgəsində fasiləsiz döyüşlər gedir.İŞİD terror qruplaşmasının 14 mindən çox üzvü son bir ildə İraqda öldürülüb.ANS PRESS-in məlumatına görə, bu barədə İraq Kürd Regional Rəhbərliyinin peşmerge naziri Mustafa Seyid Qədr Anadolu agentliyinə açıqlamasında deyib.

Onun sözlərinə görə, peşmərgə və koalisiya qüvvələrinin təşkil etdiyi hərbi əməliyyatlarda terror qruplaşması çox saylı itkilər verib. Peşmərgə qüvvələrinin isə itkiləri 1212 nəfər olub. Həmçinin 7 min nəfər 7 min nəfər yaralanıb.İraqın Ərbil şəhərində peşmərgə silahlıları.

Peşmərgə naziri qeyd edib ki, İraqda kürdlərin yaşadıqları torpaqların 95 faizi İŞİD terror qruplaşmasından alınsa da, təhlükə hələ davam edir. Hazırda peşmərgə ilə İŞİD arasında Mosulun Şenqal bölgəsində fasiləsiz döyüşlər gedir.

Mustafa Seyid Qədrin fikrincə, Mosul azad edilməsə kürdlərin yaşadıqları ərazilər daim təhlükə altında qalar və qurduqları müdafiə xəttləri terrorçuların hücumlarının qabağını almaq üçün yetərli deyil.

Peşmerge naziri Mosulun azad edilməsi üçün hazırlanan əməliyyatdan belə deyib:"İraq hökuməti koalisiya qüvvələri və Kürdüstan bölgəsi arasında ortaq bir hazırlıq gedir. Şərtlərin yaxşı qiymətləndirilməsi və əsaslı bir planın hazırlanması lazımdır. Əməliyyatın müvəffəqiyyətli ola bilməsi üçün vəziyyət düzgün qiymətləndirilməlidir".