Türkiyə ordusuna əmr verildi: “Vurun!”

“Lazım gəlsə vuracaqsınız, heç bir təlimata ehtiyac hiss etməyəcəksiniz”.

Suriya ilə sərhəddə olan Türkiyə ordusuna, lazım gəlsə heç bir təlimat gözləmədən vurun - əmri verildi. Anspress-in məlumatına görə, bu sözləri AKP Mərkəzi Qərar İcra Qurulunun üzvü Salih Kapusuz deyib. Partiyasının təşkil etdiyi iftar proqramında çıxış edən Kapusuz müvəqqəti hökumət kimi görünsələr də daimi hökumət kimi işlədiklərini deyib.

“Müvəqqəti hökumət kimi görünsək də daimi hökumətin alması zəruri olan bütün qərarları vermək, nöqtə-nöqtə hər işi təqib etmək üçün lazımlı tədbirləri görməyə davam edirik.”

Bu çərçivədə Suriya ilə sərhəddə olan Türkiyə Silahlı Qüvvələrinə (TSK) təlimat verdiklərini deyən Salih Kapusuz dərdlərinin millətin dəyərlərinə layiq olmak olduğunu deyib:

“O bölgədə Türkiyənin ziyanına olacaq kimi bir hadisə olsa təlimat qaydalarını dəyişdirdik. “Lazım gəlsə vuracaqsınız, heç bir təlimata ehtiyac hiss etməyəcəksiniz” – dedik. Əlbəttə biz macəraçı deyilik. Amma ölkəsinə, millətinə, ləyaqətinə, şərəfinə sahib çıxmaq bu millətin özündə var. Bu milləti təmsil edən AKP-nin tək bir dərdi var, millətin dəyərlərinə layiq olmaq.”