Hər ay marketlərə 210 manat veririk

2015-ci ilin yanvar-iyun ayları ərzində Azərbaycanda pərakəndə ticarət dövriyyəsinin həcmi 11 milyard 962,5 milyon manat təşkil edib.

Dövlət Statistika Komitəsindən “Marja”ya verilən məlumata görə, pərakəndə ticarət dövriyyəsinin həcmi 2014-cü ilin yanvar-iyun aylarına nisbətən 13,4% artıb.

Pərakəndə ticarət dövriyyəsinin həcmi hüquqi şəxslər üzrə 1 milyard 355,2 milyon manat, fərdi sahibkarlar üzrə 6 milyard 333,7 milyon manat, əmtəə bazarları üzrə 4 milyard 273,6 milyon manat təşkil edib.

Hesabat dövründə ticarət şəbəkəsindən hər bir istehlakçı orta hesabla ayda 209,9 manatlıq və ya əvvəlki ilin eyni dövrü ilə müqayisədə 30,8 manat çox əmtəə almışdır. Bu artımın 61,7 faizi  və ya 19,0 manatı hüquqi şəxs yaratmadan fəaliyyət göstərən fərdi sahibkarların ticarət subyektlərindəyaranmışdır.

İstehlak mallarının 99,8 faizi özəl təsərrüfat subyektlərində, o cümlədən 11,1 faizi hüquqi şəxs statuslu müəssisələrdə, 53,0 faizi fərdi sahibkarlara məxsus ticarət subyektlərində, 35,7 faizi isə əmtəə bazarlarında satılmışdır. Özəl bölmə üzrə pərakəndə əmtəə dövriyyəsinin həcmi 2014-cü ilin birinci yarısının səviyyəsini 13,4 faiz üstələmiş, bu bölmə üzrə real artımın 64,4 faizi fərdi sahibkarların ticarət fəaliyyəti sayəsində yaranmışdır.(http://marja.az/)

Əmtəə bazarı

İctimai iaşə xidmətləri

Əhaliyə göstərilən pullu xidmətlər