“Putinin canavarları”nın Qarabağa səfəri araşdırılır - Rəsmi açıqlama
Hikmət Hacıyev: “Bu kimi əməllər Azərbaycanın suverenliyinə, azərbaycanlı qaçqın və məcburi köçkünlərə hörmətsizlikdir”
Rusiyalı motosikletçilərdən ibarət qrupun Azərbaycanın işğal olunmuş ərazilərinə səfəri ilə bağlı məsələ araşdırılır.
Bunu Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev deyib.
Araşdırmanın ölkəmizin Rusiyadakı səfirliyi vasitəsi ilə aparıldığını deyən H. Hacıyev bu barədə əlavə məlumatın veriləcəyini bildirib.
Qeyd edək ki, mətbuatda “Gecə canavarları” adlı motoqrupun iyulun 31-də Ermənistana, oradan isə Dağlıq Qarabağa yollanacağı barədə məlumat yayılıb.
“Gecə canavarları” Putinin imperiya ideyalarını dəstəkləyən aqressiv qrupdur. “Gecə canavarları” bayker klubuna “Xirurq” ləqəbli Aleksandr Zaldostonov başçılıq edir. Prezident Vladimir Putin dəfələrlə bu bayker klubunun üzvləri ilə görüşüb. Bu da deməyə əsas verir ki, “canavarlar” Kremldən kurasiya olunur.
“Gecə canavarları” Putinin seçki təbliğatında, daha sonra Krımın Rusiya birləşdirilməsinin və Ukraynadakı separatçı qüvvələrin dəstələnməsində fəal iştirak edib. “Canavarlar” mayın 9-nu Berlində qeyd etmək üçün Avropaya yürüşə çıxıblar, lakin bəzi ölkələr onlara viza verməyib.
Şərhlər
Hər hansısa bir şərh yazılmayıb.