Son 3 ayda Bakıda 35 nəfəri gün vurub
Baxiş sayı:
Dərc olunub:
29/07/2015 - 11:53
“May ayından etibarən Bakı Şəhər Təcili və Təxirəsalınmaz Tibbi Yardım Stansiyasına günvurma ilə bağlı cəmi 35 nəfər müraciət edib. Onlardan 11 nəfəri xəstəxanaya yerləşdirilib”.
Bunu APA-ya Bakı Şəhər Təcili və Təxirəsalınmaz Tibbi Yardım Stansiyasının baş həkimi Rauf Nağıyev deyib.
R. Nağıyev bildirib ki, Azərbaycan paytaxtında havanın hərarətinin yüksəldiyi son günlərdə günvurma ilə bağlı cəmi 1 nəfər müraciət edib: “O da Maştağa qəsəbə sakini idi. Vəziyyəti orta-ağır olduğu üçün xəstəxanaya yerləşdirilib”.
Baş həkim qeyd edib ki, günvurma ilə bağlı müraciət edənlər əsasən, orta yaşlı insanlardır: “Müraciət edənlərin arasında bir neçə uşaq da var”.
Şərhlər
Hər hansısa bir şərh yazılmayıb.