Ramil Usubov və Zakir Qaralova müraciət - “Əks halda intihar edəcəyəm!!!”
Masallı şəhər sakini Ağayev Elnur Azər oğlu AzPolitika.info vasitəsilə Daxili İşlər naziri Ramil Usubova və Baş prokuror Zakir Qaralova müraciət edib. Vətəndaş, hüquq-mühafizə orqanlarına etdiyi şikayətlərin araşdırılmamasına etirazını bildirir.
Şikayətçi yazır ki, 2009-cu ildə orta məktəbi bitirdikdən sonra ailəsinin sosial vəziyyəti yaxşı olmadığından paytaxta üz tutub və işləməyə başlayıb.
“M.Əcəmi metrosu yaxınlığında yerləşən Moskva Univermağında qızıl alqı-satqısı mərkəzində satıcı kimi fəaliyyət göstərməyə başladım. Təzə-təzə özümün necə bir insan olduğumu ətrafımda olan kollektivə bildirirdim ki, 1977-ci il təvəllüdlü Masallı rayon sakini Məmmədov Zaur Qalabəy oğlunun sayəsində pis vəziyyətlə üzləşdim və işimi itirdim.”
[caption id="attachment_141391" align="alignleft" width="300"]
Z.Məmmədovu “peşəkar yalançı, fırıldaqçı və dələduz” adlandıran şikayətçi yazır ki, onun tərəfindən aldadılıb. “Məmmədov Zaur məndə özünə qarşı inam yaradaraq, etibardan sui-istifadə edib 3700 $ məbləğində qızıl-zinyət əşyalarını götürdü. Lakin pulunu ödəmədi. Zaura görəiş yerində inamımı itirərək işdən çıxmalı oldum və banklara borclu düşdüm. 2010-2012-ci illərdə cəbhə bölgəsində vətənə olan borcumu ləyaqətlə yerinə yetirərək geri döndüm. Dəfələrlə Zaurla telefonla danışıb pulumu istədim. Cavabı bu oldu ki, “vermirəm, get nə bilirsən et”.
Elnur Ağayev yazır ki, bundan sonra bütün hüquq-mühafizə orqanlarına rəsmi və qeyri-rəsmi müraciətlər etsə də, Z.Məmmədov dələduzluğuna görə məsuliyyətə cəlb olunmayıb və ona dəymiş ziyan da ödətdirilməyib. “MTN-nə, DİN-nə, BŞBPİ-yə, Nəsimi RPİ-nə, hadisə baş verdiyi ərazi üzrə 19-cu polis bölməsinə şikayətlər etmişəm. Mənim sonradan apardığım araşdırmalar zamanı məlum oldu ki, bu adamın arxasında hansısa güclü qüvvənin durması hesabına bu işləri görə bilir. Valideyni ilə telefon danışığım zamanı da qarşı tərəfdən aldığım cavab bu olub: “SƏN HEÇ BİLİRSƏN ZAURUN ARXASINDA KİMLƏR DAYANIR?”
Məlum oldu ki, mən bu insanın nə ilk, nədə son qurbanı deyilmişəm. Masallı rayonundan olan digər mənim kimi cavan Mirzağa adlı bir vətəndaşı da qurban seçərək, ona da 13.000 AZN dəyərində ziyan vurub. Məmmədov Zaur Qalabəy oğlunu 2013-cü ildə Suraxanı RPİ-nin 33-cü PB-nin əməkdaşları digər bir əməlinə görə CM-nin 178, yəni dələduzluq maddəsi ilə paytaxt sakininin rəsmi şikayəti əsasında saxlamağa müvəffəq olsalar da, Zaur burdan da heçnə olmamış kimi sərbəst buraxılmağa nail olub. Bugünkü günə qədər də azadlıqdadır.”
Vətəndaş saytımız vasutəsilə Ramil Usubov və Zakir Qaralova müraciət edərək, şikayətlərinin düzgün araşdırılmasını xahiş edir. Lakin bir xəbərdarlığı da var: “Artıq yorulmuşam. Son ümid yerim siz oldunuz. Əks halda intihar edəcəyəm!!!”
Turqut
Şərhlər
Hər hansısa bir şərh yazılmayıb.