Ötən ay 155 partlamamış hərbi sursat zərərsizləşdirilib
Bu ilin iyul ayı ərzində 4 733 250 kvadrat metr ərazi yoxlanılaraq mina və partlamamış hərbi sursatdan (PHS) təmizlənib.
Azərbaycan Ərazilərinin Minalardan Təmizlənməsi üzrə Milli Agentliyin (ANAMA-nın) mətbuat xidmətindən APA-ya verilən məlumata görə, 155 ədəd PHS aşkar edilərək zərərsizləşdirilib.
Əməliyyatlarda 485 nəfər minaaxtaran mütəxəssis və 115 nəfər yardımçı heyət, həmçinin 6 mexaniki minatəmizləmə maşını və 36 minaaxtaran it iştirak edib.
İndiyədək cəmi 296 137 250 kvadrat metr ərazi təmizlənib. Tapılıb zərərsizləşdirilmiş mina və PHS-lərin sayı 713 032-dir.
Agentlik tərəfindən təmizləmə əməliyyatları Gəncə, Ağdam, Xocavənd, Lənkəran, Ağstafa, Füzuli, Goranboy, Tovuz, Qaradağ, Abşeron və Tərtər rayonlarında davam etdirilir.
2015-ci ilin İyul ayı ərzində bir mina/PHS hadisəsi qeydə alınıb.
Şərhlər
Hər hansısa bir şərh yazılmayıb.