Robert Prosineçki 4 futbolçudan imtina etdi
Baxiş sayı:
Dərc olunub:
29/08/2015 - 17:43
Azərbaycan millisinin düşərgəsini daha 4 futbolçu tərk edib. Apasport.az-ın AFFA-nın rəsmi saytına istinadən məlumatına görə, buna yığmamızın baş məşqçisi Robert Prosineçki qərar verib.
Belə ki, atasının vəfatı ilə əlaqədar komandanın təlim-məşq toplanışından azad edilən Elvin Məmmədovun ardınca Ürfan Abbasov (Qəbələ), Rəhman Hacıyev (Neftçi), Nurlan Novruzov (Zirə) və Seymur Əsədovun (AZAL) da hazırlıqda iştirakı başa çatıb.
AZAL-ın yarımmüdafiəçisi 21 yaşadək futbolçulardan ibarət milli komandanın təlim-məşq toplanışına qoşulub.
Qeyd edək ki, məşqlər yığmamızın AÇ-2016-nın seçmə mərhələsi çərçivəsində sentyabrda Xorvatiya və Malta ilə keçirəcəyi oyunlara hazırlıq xarakteri daşıyır.
Şərhlər
Hər hansısa bir şərh yazılmayıb.