"Bank Technique"nin sabiq baş direktoru "Azər-Türk Bank"a gətirilib
"Azər-Türk Bank" ASC-də daha bir kadr dəyişikliyi baş verib.
"APA-Economics"in məlumatına görə, Axundov Kamran Alik oğlu bankın plastik kartlarla iş departamentinin rəhbəri təyin olunub.
Qeyd edək ki, K. Axundov bundan öncə "Bank Technique" ASC-də baş direktor, biznesin inkişafı departamentinin direktoru vəzifəsində çalışıb.
K. Axundovadək bu vəzifəni Ceyhun Rəhimov tutub. Hazırda C. Rəhimov "Azericard" MMC-nin baş direktorudur.
K. Axundov 1981-ci ildə iyunun 17-də Bakı şəhərində anadan olub. 2002-ci ildə Azərbaycan Dövlət İqtisad Universitetində İqtisadiyyatın hüquqi tənzimlənməsi fakültəsini bakalavr, 2004-cü ildə isə magistr dərəcəsi üzrə bitirib. 2004-2005-ci illərdə “Avropa LTD” şirkətində mühasib vəzifəsində çalışdıqdan sonra, 2005-2012-ci illər ərzində Azərbaycan Beynəlxalq Bankında xidmət bölməsinin mütəxəssisi vəzifəsindən Pərakəndə biznes departamenti, “ABB-Premyer” Müştəri xidmətlərində rəhbər müavini vəzifəsinədək yüksəlib. 2012-ci ilin iyun ayından “Bank Technique” ASC-də çalışıb.
Ailəlidir, 2 övladı var.
Şərhlər
Hər hansısa bir şərh yazılmayıb.