“Hüquq-mühafizə orqanlarının məsləhəti ilə hərəkət edəcəyəm” - Sterliqov
Rusiyalı iş adamı German Sterliqov Azərbaycan müstəntiqlərinin onu dindirməklə bağlı niyyətindən xəbərsiz olduğunu bildirib.
APA-nın TASS agentliyinə istinadən verdiyi xəbərə görə, G. Sterliqov bu məsələ ilə bağlı Rusiya hüquq-mühafizə orqanları və hüquqşünasları ilə məsləhətləşmək istəyir: “Mən Azərbaycan tərəfinin bu təşəbbüsündən hələlik xəbərdar deyiləm. Rusiya Federasiyası hüquq-mühafizə orqanları mənə necə məsləhət verəcəksə, o şəkildə hərəkət edəcəyəm. Hüquqşünaslarla məsləhətləşmək lazımdır. Mən Azərbaycan qanunvericiliyinə tabe deyiləm, Rusiyada yaşayıram”.
Qeyd edək ki, Azərbaycan Respublikası Baş Prokurorluğu və Daxili İşlər Nazirliyinin əməkdaşlarından ibarət istintaq-əməliyyat qrupu German Sterliqovun təqsirləndirilən şəxs qismində dindirilməsi üçün Moskva şəhərinə ezam olunub.
Şərhlər
Hər hansısa bir şərh yazılmayıb.