Pasportlarda prezidentin sitatları olacaq

Qazaxıstan sakinlərinin pasportlarında prezident Nursultan Nazarbayevin sitatları yazılacaq.

Oxu.az xəbər verir ki, bu barədə Tengrinews.kz bildirib.

Müvafiq norma sənədlərin şəxsiyyəti təsdiq edən vəsiqələr üçün normaların müəyyən edilməsinə dair qanuna dəyişikliklər barədə qanun layihəsinə daxil edilib.

“Sənəd “Şəxsiyyəti təsdiqləyən sənədlər” haqqında qanunda respublika vətəndaşının pasportuna birinci prezident, millətin liderinin müstəqillik haqqında sözlərinin əlavə edilməsinə dair dəyişiklikləri nəzərdə tutur”, - Məclisin plenar iclasında deputat Rahmet Mukaşev bəyan edib.

Bundan başqa, deputatın sözlərinə görə, qanun layihəsində vətəndaşın pasportu alarkən and içməyinin vacib olmasına dair müddəa mövcuddur.