Millimiz Xorvatiyaya ŞOK yaşatdı
Avro-2016-nın seçmə mərhələsi çərçivəsində VII turun oyunları keçirilib. Apasport.az saytının məlumatına görə, Azərbaycan milli komandası da növbəti oyununa çıxıb.
Robert Prosineçkinin yetirmələri öz meydanında baş məşqçinin həmyerliləri ilə, yəni Xorvatiya yığması ilə qarşılaşıb.
Xorvat mütəxəssisin millimizə baş məşqçi təyin olunmasından sonra keçirdiyi 2 rəsmi oyunda da yenilməyən komandamız bu dəfə daha çətin sınaq qarşısında idi.
Osiyekdəki oyunda Xorvatiya millisi yığma komandamız üzərində 6:0 hesablı qələbə qazanmışdı. Ancaq bu dəfə milli komandamız güclü rəqibinə qarşı layiqli müqavimət göstərə bildi.
Rəqibin aramsız hücumlarını səliqəli şəkildə qarşılayan və inamla müdafiə olunan Prosineçkinin yetirmələri yekunda qolsuz bərabərliyə nail ola bildilər.
3 sentyabr
Azərbaycan – Xorvatiya - 0:0
“Bakcell Arena”. Hakimlər: Rudi Buket, Gillom Debar, Kiril Qrinqor, Filipp Jann
Şərhlər
Hər hansısa bir şərh yazılmayıb.