Türkiyədə 12 qaçqının ölümü ilə bağlı 4 suriyalı saxlanılıb
Baxiş sayı:
Dərc olunub:
04/09/2015 - 00:01
On iki nəfərin ölümü ilə nəticələnən Suriyalı qaçqınların Türkiyədən Yunanıstanın Kos adasına daşınmasının təşkilində iştirak etmiş 4 suriyalı Türkiyə polisi tərəfindən saxlanılıb. APA-nın verdiyi xəbərə görə, bu barədə “Haber Türk”ə hüquq mühafizə orqanlarındakı mənbə bildirib.
Qeyd edək ki, ötən gün miqrantları daşıyan iki qayıq batıb. Hadisə nəticəsində 5-i uşaq olmaqla 12 nəfər boğularaq ölüb, 2 nəfər isə itkin düşüb. Dalğalar uşaqların meyitlərini Bodrum sahillərinə çıxarıb. Suriyadan qaçan 17 nəfər Yunanıstanın Kos adasından istifadə etməklə rezin qayıqlarla Avropaya keçmək istəyiblər.
Şərhlər
Hər hansısa bir şərh yazılmayıb.