GÜLƏR ƏHMƏDOVA ÖZÜNƏ YOLDAŞ AXTARIR - “Gültəkin Hacıbəyli tutulmalı idi”

“Əqidəsini qoruyan adam həm iqtidarda, həm də müxalifətdə qiymətli olur”

“Mən Milli Şuranın üzvlərini dəfələrlə məhkəməyə dəvət etmişəm ki, gəlib prosesdə iştirak edib, sonra fikir bildirib, bəyanata versinlər”.

APA-nın məlumatına görə, bunu Gülər Əhmədova bu gün Apellyasiya Məhkəməsində keçirilən növbəti prosesdən sonra jurnalistlərə bildirib. G. Əhmədova deyib ki, əqidəsini qoruyan adam həm iqtidarda, həm də müxalifətdə qiymətli olur: “Mən bilirəm o bəyanatın müəllifi kimdir. Gültəkin Hacıbəyliyə müraciət edib, demək istəyirəm ki, tutulmağa qalsaydı, Gültəkin Hacıbəyli tutulmalı idi. Mənə qarşı nə şahid, nə zərərçəkən var. Gültəkin Hacıyeva bilsin ki, ona qarşı çox yumşaq, mənə qarşı çox sərt davranıblar”.

Qeyd edək ki, Milli Şuranın bir neçə gün əvvəl yaydığı bəyanatda bildirilib ki, iddia müddəti 8 il əvvəl bitmiş pul tələbi əsasında Gültəkin Hacıbəylinin bütün əmlakına həbs qoyulduğu halda, bir milyon dollar pul alması ilə bağlı dələduzluq cinayəti məhkəmə tərəfindən sübuta yetirilmiş Gülər Əhmədovanın heç bir əmlakına həbs qoyulmayıb.

Görünür, Gülər Əhmədova türmədə özünə yoldaş axtarır. Həm də deputat olmuş... Heç kimə gücü catmadığından,  Milli Şuranın üzvü olandan sonra iqtidarın hədəfinə düşən Gültəkin Hacıyevanın adını çəkir. Bununla həm də  göstərmək istəyir ki, "içəridə də" çöldəki ağalarına qulluq edir. Bu onu tam xilas edəcəkmi, söyləmək çətindir. Ancaq "mandat alverçisini" vaxtından qabaq buraxmaq üçün işin getdiyi müşahidə olunmaqdadır.

Eyni zamanda Gülər Əhmədovanın aşıqlaması göstərir ki, onun əmlakına həbs qoyulması"əqidəsini dəyişməməsi ilə" bağlıdır. Maraqlıdır, qanunvericiliyə cinayət edən YAP-çılara əlavə üstünlüklər verən maddələr salınıb?

Vaqif

AzPolitika.info

-