AMİP sədri seçkidə iştirakdan niyə imtina etdi? - Yenilənib
Azərbaycan Milli İstiqlal Partiyasının (AMİP) sədri Yusif Bağırzadə noyabrın 1-də Milli Məclisə keçiriləcək seçkilərdə namizədliyini geri götürüb.
Bu barədə AzNews.az-a açıqlamasında 37 saylı Nizami Birinci (Gəncə) Seçki Dairəsinin sədri məlumat verib. Onun sözlərinə görə, Y.Bağırzadə namizədliyinin qeydə alınmaması üçün DSK-nın sədrinə ərizə ilə müraciət edib: “Oktyabrın 2-də özü ərizə verib, lakin qeydə alınmaqdan imtina edib”.
Xatırladaq ki, 37 saylı Nizami Birinci (Gəncə) Seçki Dairəsindən Yeni Azərbaycan Partiyasının (YAP) namizədi Pərvin Kərimzadədir.
Məsələ ilə bağlı AMİP-in baş katibi Arzuxan Əlizadə Modern.az-a açıqlama verib:
“Əvvəlcə, onu deyim ki, namizədliyin irəli sürülməsi və qeydə alınması üçün zəruri olan sənədlərin dairə seçki komissiyalarına təqdim edilməsi müddəti oktyabrın 2-də başa çatıb. Qanunvericilik baxımından kiminsə verilən müddət başa çatdıqdan sonra namizədliyini irəli sürməsi mümkün deyil. O ki, qaldı Yusif Bağırzadənin namizədliyi məsələsinə, bu barədə xüsusi açıqlama olacaq. Ona görə də məsələ ilə bağlı hələlik partiyadan heç bir açıqlama verilmir”.
Şərhlər
Hər hansısa bir şərh yazılmayıb.