Ələt-Astara yolunda işlər tam dayandı -Abid Şərifovun ailə şirkəti də böhran keçirir
Yeni çəkilən Ələt-Astara avtomobil yolunda tikinti işləri artıq üçüncü gündür ki, tamamilə dayandırılıb. Bu məlumatı virtualaz.org saytının Şirvan bürosuna həmin tikinti işlərini həyata keçirən “EVRASCON” şirkətinin işçiləri verib.Yol çəkilişi ilə yanaşı “EVRASCON”un Bəhrəmtəpə çınqıl istehsalı karxanasında da işlər dayanıb. Şirkət rəhbərliyi işçilərə bunun səbəbini yanacaq olmaması ilə izah edib.
Şirkət əməkdaşlarının saytımıza bildirdiklərinə görə, “EVRASCON”un əməkhaqqı borcları da artmaqda davam edir. Belə ki, şirkət iyun ayının 15 gününün, üstəlik iyul, avqust və sentyabr aylarına görə əmək haqlarını ödəməyib.
Xəbər verdiyimiz kimi, şirkət yanacaq çatışmazlığını əsas gətirərək yol çəkilişini ötən ayın ortalarında da bir neçə günlüyə dayandırmışdı.
Amma ağır maliyyə durumu Manaf Şirinova verdiyi vədə əməl etməkdə mane olub. Fəhlələrə bu günlərdə iyun ayı üçün əməkhaqqı borcunun yarısı ödənilib. Son 3 ayın əməkhaqqı borcları isə ödənilməmiş qalır.
"EVRASCON" baş nazirin müavini Abid Şərifovun ailə şirkətidir. Abid Şərifov şirkətin qardaşına məxsus olduğunu mətbuata aşıqlamasında özü də təsdiqləyib.
Şərhlər
Hər hansısa bir şərh yazılmayıb.