Putin azərbaycanlı iş adamına "Dostluq" ordeni verdi

Rusiya prezidenti Vladimir Putinazərbaycanlı iş adamı, Ümumrusiya Azərbaycan Konqresinin Moskva vilayəti üzrə regional bölməsinin sədri, Rusiyanın əməkdar inşaatçısı Əlizaman Rəhimovu "Dostluq" ordeni ilə təltif edib.

APA-nın Moskva müxbirinin verdiyi xəbərə görə, bu barədə məlumat Rusiya prezidentinin hüquqi informasiya portalında yerləşdirilib.

Rusiya prezidentinin sərəncamında ali dövlət mükafatının Ə. Rəhimova əmək fəaliyyətindəki uğurlarına və çoxillik vicdanlı fəaliyyətinə görə verildiyi qeyd olunub.

Xatırladaq ki, Ə. Rəhimov Moskva vilayətində fəaliyyət göstərən "Günay" istehsalat-kommersiya şirkətinin direktoru vəzifəsində çalışır.