AVROPA PARLAMENTİ BAKIDAN RÜŞVƏT ALAN 7 DEPUTATINI CƏZALANDIRIR- Şok qərar
Deputatlar rüşvət və qiymətli hədiyyələrin əvəzində seçkilərin “azad və ədalətli keçdiyinə” dair rəy hazırlamaqda günahlandırılır
Ötənilki prezident seçkilərini müşahidə edən deputatlara töhmət veriləcək və cərimə kəsiləcək
Avropa Parlamentinin Azərbaycanda 9 oktyabr prezident seçkilərini müşahidə edən 7 deputatı cəzalandırılır. Virtualaz.org saytı Avropa nəşrlərinə istinadən xəbər verir ki, sabah - fevralın 11-də Avropa Parlamentinin Məşvərət Komitəsi onların məsələsinə baxacaq. İlk dəfədir ki, Avropa Parlamenti öz üzvlərinə qarşı sanksiyalar tətbiq edir.
Məşvərət Komitəsi Avropa Parlamentinin etika məsələlərinə baxan komitəsidir. Komitə Azərbaycandakı seçkilərdə müşahidəçi olan deputatların barəsində rüşvət və qiymətli hədiyyələrin əvəzində seçkilərin “azad və ədalətli keçdiyinə” dair rəy hazırlamaqda günahlandırılır.
Komitə həmçinin fransalı deputat Rəşidə Datinin də məsələsinə baxacaq. Rəşidə Dati Azərbaycanın lobbiçilərindən biri kimi tanınır.
Xəbərdə bildirilir ki, Avropa Parlamentinin Azərbaycandakı seçkilər üzrə müşahidə missiyasının rəhbəri Piter Arlakki, missiyanın üzvləri Filip Kaçmarek, Yoahim Tseller, Yevgeni Kirilov, Norika Nikolai, Gabroç və Fiorello Proveralar komitənin sanksiyaları ilə üzləşəcəklər. Avropa Parlamentinin Məşvərət Komitəsi onların Azərbaycandakı seçkilərə dair hazırladığı rəyin ATƏT-in Demokratik Təsisatlar və İnsan Haqları Bürosunun müşahidə missiyasının rəyinə tam zidd olduğunu qeyd edir.
Həmçinin deputatlar Azərbaycana səfərlərinin kim tərəfindən maliyyələşdirildiyinə və bu səfər zamanı hansı bahalı hədiyyələr aldıqlarına izahat verə bilməyiblər.
Həmin davranış kodeksinə əsasən yaradılmış Məşvərət Komitəsi indiyədək cəmi bir deputatın - Belçikanın keçmiş baş naziri Jan-Lyuk Deanın məsələsinə baxıb. O, maliyyə maraqları ilə bağlı düzgün bəyannamə vermədiyi üçün tənbeh edilib. Bu dəfə isə Azəbaycandakı seçkiləri izləyən deputatlara qarşı həm töhmət, həm də cərimə cəzası tətbiq edilə bilər.
Rəşidə Datinin məsələsi isə Məşvərət Komitəsində rəsmən yox, kuluarlarda müzakirə olunacaq. Əvvəllər Fransanın “GDF Suez” şirkətində işlədiyi üçün R.Datinin Avropa Parlamentinin energetika məsələləri üzrə komissiyasının üzvü kimi fəaliyyəti düzgün hesab edilmir. Belə ki, fransalı deputatın və keçmiş nazirin bu komissiyada enerji şirkətlərinin maraqlarını müdafiə etdiyinə dair şübhələr var.
Şərhlər
Hər hansısa bir şərh yazılmayıb.