Türkdilli ölkələr festival keçirir
Baxiş sayı:
Dərc olunub:
24/11/2015 - 10:21
Türkmənistanın Mari şəhərində türkdilli ölkələrin festivalı başlayıb.
Bu barədə "Report"a tanınmış kamança ifaçısı Munis Şərifov məlumat verib.
Onun sözlərinə görə, festivalda türkdilli respublikalardan gəlmiş mədəniyyət və incəsənət xadimləri iştirak edirlər: "Mari şəhərinə muğam üçlüyü ilə gedirik. Tar ifaçısı Davud Abdullayev, xanəndə Nuriyyə Hüseynova və mən. Türkdilli ölkələrin festivalında Azərbaycanı layiqincə təmsil edəcəyik".
Festival noyabrın 30-dək davam edəcək.
Xatırladaq ki, TÜRKSOY Türkmənistanın Mari şəhərini 2015-ci ildə “Türk dünyasının mədəni paytaxtları” elan edib. Bu münasibətlə il ərzində Mari şəhərində müxtəlif mədəni-kütləvi tədbirlər keçirilib.
Şərhlər
Hər hansısa bir şərh yazılmayıb.