Latviyada daha bir azərbaycanlı deputat seçilib
Latviyada daha bir azərbaycanlı deputat seçilib.
APA-nın məlumatına görə, əslən Kürdəmir rayonundan olan Vüqar Ecmanis Valmiera şəhər Dumasına üzv seçilib.
1970-ci ildə Kürdəmirdə doğulan Vüqar Ecmanis 25 ildir Avropada yaşayır. O, Avropanın bir neçə ölkəsində uğurlu biznes layihələrinə imza atıb və 10 ilə yaxındır Valmierada Azərbaycan icmasının fəaliyyətinin gücləndirilməsində fəal rol oynayır. V. Ecmanis hazırda Valmeria dumasında kənd təsərrüfatı, nəqliyyat və biznes mühiti komitəsinin rəhbəridir. Həmyerlimiz qarşıdan gələn mer seçkilərinə də qatılmaq niyyətindədir.
Qeyd edək ki, “APA Holding”in Azərbaycan Diasporla İş üzrə Dövlət Komitəsi ilə birgə həyata keçirdiyi “Sərhəddənkənar azərbaycanlılar...” adlı layihə çərçivəsində Şərqi Avropa ölkələrində fəaliyyət göstərən azərbaycanlılarla görüşlər keçirilir.
Şərhlər
Hər hansısa bir şərh yazılmayıb.