Ərdoğan Obama ilə təyyarənin vurulmasını müzakirə edib
Baxiş sayı:
Dərc olunub:
25/11/2015 - 09:38
doTürkiyə prezidenti Rəcəb Tayyib Ərdoğan amerikalı həmkarı Barak Obama ilə telefon danışığı zamanı Rusiyaya məxsus “SU-24” təyyarəsinin vurulması ilə bağlı yaranmış vəziyyəti müzakirə edib. APA-nın “Anadolu”ya istinadən verdiyi xəbərə görə, prezidentlər bu cür hadisələrin təkrarlanmaması, onların aradan qaldırılması üçün lazımi tədbirlərin görülməsini qeyd ediblər.
Məlumata görə, Obama Türkiyənin öz suverenliyini qorumaq haqqının ABŞ və NATO tərəfindən dəstəkləndiyini bildirib. Prezidentlər gərginliyin azaldılması istiqamətində lazımi tədbirlərin görülməsinin vacibliyini vurğulayıblar.
Ərdoğan və Obama Suriyada siyasi keçidin təmin olunması üçün İŞİD-ə qarşı mübarizənin davam etdirmək niyyətində olduqlarını qətiyyətlə qeyd ediblər.
Şərhlər
Hər hansısa bir şərh yazılmayıb.