Yaqub Eyyubovla rusiyalı həmkarı arasında telefon danışığı olub

“Azərbaycandan Rusiyaya aparılan kənd təsərrüfatı məhsullarının təyinat məntəqələrinə çatdırılmasında yaranan problemlə bağlı Azərbaycanın baş nazirinin birinci müavini Yaqub Eyyubovla rusiyalı həmkarı Dmitriy Rozoqin arasında telefon danışığı olub”.

APA-nın şimal bürosunun verdiyi məlumata görə, bunu kənd təsərrüfatı naziri Heydər Əsədov bildirib.

“Biz bu məsələ ilə intensiv şəkildə, ayrı-ayrı nazirliklər və hökumət səviyyəsində məşğuluq. Bizdə olan məlumata görə, sərhəddə 140-dək vaqonun boşaldılmasında problem yaranıb. Problemin yaranmasına Azərbaycan tərəfi səbəb olmayıb. Dünən baş nazirin birinci müavini Yaqub Eyyubovun yanında bu məsələ ilə bağlı toplantı olub. Yaqub Eyyubovla rusiyalı həmkarı Dmitriy Rozoqin arasında telefon danışığı olub. Dmitriy Roqozin də söz verdi ki, qısa müddət ərzində məsələ araşdırılacaq və öz müsbət həllini tapacaq”, - deyə nazir bildirib.