"BU, MTN-i TƏMİZLƏMƏYİN ƏN OPTİMAL YOLUDUR" - Ekspertlər
İlham İsmayıl: "Kəşfiyyat müstəqil quruma çevrilərək, daha rahat şəkildə qərarlar qəbul edəcək"
Ərəstun Oruclu: "Onların vahid nazirlikdə birləşdirilməsi SSRİ-dən gələn praktika idi"
"Özüm daxil olmaqla bu sahədə olan mütəxəssislər də qeyd edirdi ki, Xarici Kəşfiyyat İdarəsinin müstəqil olması Azərbaycanın yerləşdiyi coğrafi məkan, qarşısında duran təhlükə, qonşu ökələrdən informasiya almaq baxımından çox yaxşıdır".
Keçmiş MTN zabiti bunu müsbət addım hesab edir: "Xüsusilə kəşfiyyat üçün müsbət addımdır. Əks-kəşfiyyat onsuz da yerindədir. Sadəcə adı dəyişib. Kəşfiyyat isə müstəqil quruma çevrilərək, daha rahat şəkildə qərarlar qəbul edəcək. Gələcəkdə bu qurumlar informasiya mübadiləsi aparıb, bir-birinə kömək edəcək, koordinasiyalı işləyəcəklər".
İlham İsmayıl Orxan Sultanov adının ona tanış olduğunu deyir: "Bu sahədə müəyyən peşəkarlığı olan bir şəxs kimi tanınır".
Şərq-Qərb Araşdırmaları Mərkəzinin rəhbəri Ərəstun Oruclu da prezidentin sərəncam və fərmanını bir neçə aspektdən düzgün və indiki şəraitdə yeganə müsbət qərar hesab edir:
İkincisi, kəşfiyyat və əks-kəşfiyyat qurumlarının bir çətir altında birləşdirilməsi güclü xüsusi xidmət orqanının yaradılmasına gətirib çıxarır ki, ona da dövlət tərəfindən nəzarət zəifləyir. Biz bunu MTN-in nümunəsində gördük.
Üçüncüsü, kəşfiyyat və əks-kəşfiyyat ayrı-ayrı xidmətlərdir. Biri ölkənin daxili, digəri isə xarici ilə bağlıdır. Belə olan şəraitdə onların ayrı-ayrılıqda fəaliyyət göstərməsi bütün dünyada təsdiqlənən praktikadır. Onların vahid nazirlikdə birləşdirilməsi SSRİ-dən gələn praktika idi. Söhbət sovet DTK-sından gedir. Nəhayət, artıq nazirlik statusu yoxdur. Bu, o deməkdir ki, idarə və ya xidmət statusca daha kiçik qurumdur. Deməli, dövlətin ona nəzarəti daha da asanlaşır".
Ərəstun Oruclu Orxan Sultanovu tanımadığını deyir. Amma hesab edir ki, kəşfiyyatdan gələn adamdır.
Şərhlər
Hər hansısa bir şərh yazılmayıb.