“Zika” virusu Avropada da peyda oldu

Avropada ilk dəfə “Zika” virusuna yoluxma halı aşkar edilib.

İspaniyada hamilə qadın bu simptomla xəstəxanaya götürülüb.

Səhiyyə Nazirliyinin fevralın 4-də yaydığı məlumata görə, qadın bu yaxınlarda Kolumbiyadan dönüb.

Qeyd edək ki Şimali və Cənubi Amerikada peyda olan bu virus , əsasən ağzaqanatlar tərəfindən keçir.

Amma ABŞ-da bu virusun ilk dəfə cinsi əlaqədən də keçdiyi bildirilir.

Beynəlxalq Səhiyyə Təşkilatı virusun qlobal problem olduğunu bildirib.

Təşkilatın məlumatına görə “Zika” virusu dünyada 4 milyon insana yayıla bilər.

Hələlik bu vuruşa qarşı peyvənd və ya müalicəsi yoxdur.

Virus 26 Cənubi və Şimali Amerika ölkəsində peyda olub.

Braziliyalı alimlər hazırda vaksin üzərində işləyirlər və 1 ilə sınaqdan keçirilə bilər. /Azadlıq radiosu