Ərdoğan ABŞ-ı seçim qarşısında qoydu- Vaşinqton Türkiyə ilə PKK arasında seçim etməli

Baxiş sayı:

Dərc olunub: 07/02/2016 - 18:40

Bölmə: Xəbər lenti

Bir neçə gün əvvəl Barak Obamanın xüsusi nümayəndəsinin kürdlərin nəzarəti altında olanSuriyanın şimalındakı ərazilərə baş çəkməsinə Türkiyə prezidenti Rəcəb Tayyib Ərdoğanmünasibət bildirib.

ANS PRESS-in məlumatına görə, Latin Amerikası ölkələrinə səfər edən Ərdoğan Türkiyəyə geri qayıtmazdan əvvəl jurnalistlərin suallarını da cavablandırıb. Çili, Peru, Ekvador veSeneqala olan səfərlərinin ölkəsi üçün faydalı yekunlaşdığını bildirib və ABŞ rəhbərliyinə sual da ünvanlayıb: "Sizin ortağınız bizik, yoxsa PYD-dir, Kobanidəki terrorçulardır?. Mən hesab edirəm ki, ABŞ hakimiyyəti Demokratik Birlik Partiyası (PYD) ilə Türkiyə hakimyyəti arasında seçim etməlidir. "Biz sizə (ABŞ) etibar edə bilərik? Sizin Kobanidəki partnyorunuz bizik, yoxsa terrorçulardır?",- deyə Ərdoğan bildirib.

Latın Amerikası ölkələrinin xəritəsi

Ərdoğan bildirib ki, Vaşinqton, Türkiyə ilə kürdlər arasında seçim etməlidir. Qeyd edək ki, Ərdoğanın Cənubi Amerika ölkələrindən Çili, Peru və Ekvadora rəsmi səfəriyanvarın 31-dən başlayıb. Ərdoğanın Çili ziyarəti bu ölkəyə prezident səviyyəsində həyata keçirilən ikinci ziyarət olub. Latın Amerikası proqramı çərçivəsində prezident Çilini, Perunu və Ekvadoru ziyarət edib. Ərdoğanın diplomatik əlaqələrin qurulmasının 90-cı il dönümünə təsadüf edən Çili ziyarəti 9-cu prezident Süleyman Dəmirəlin 1995-ci ildə reallaşdırdığı ziyarətin ardından bu ölkəyə prezident səviyyəsində həyata keçirilən ikinci səfərdir. Peru və Ekvador ziyarətləri isə prezident səviyyəsində Türkiyədən edilən ilk səfər hesab olunur.

Ərdoğan okeanın o tərəfinə etdiyi səfərinə öz zirehli avtomobilini də aparıb.

Ərdoğanın zirehli avtomobili

Bu məqsədlə Türkiyə prezidentinin istifadə etdiyi avtomobil hərbi yük təyyarəsi ilə Çilinin paytaxtı Santyaqoya aparılıb. Hərbi mənbələr hərbi yük təyyarəsinin Ərdoğanın səfərindən əvvəl bölgəyə apardığını qeyd edib. Təyyarə Senegal və Braziliyada fasilə verib yanacaq doldurduqdan sonra təxminən 20 saata Çiliyə çatıb. Ərdoğanın zirehli avtomobili hərbi yük təyyarəsi ilə Çilidən sonra Peru və Ekvadora aparılacaq.

Prezidentin son olaraq səfər edəcəyi Ekvadordan sonra avtomobil Türkiyəyə gətiriləcək. Prezidentin mühafizəçiləri Peru və Ekvadorda istənilən səviyyədə zirehli avtomobil olmadığından Ərdoğanın zirehli avtomobilini səfərə aparmağı məsləhət biliblər.