"Şikayətlərə operativ reaksiya veriləcək"

İqtisadiyyat Nazirliyində yeni yaradılan Apelyasiya Şurası sahibkarlıq subyektləri tərəfindən nazirliyin fəaliyyət sahəsinə dair daxil olan şikayətlərə qanunvericilik çərçivəsində baxacaq və müvafiq qərar qəbul edəcək. "APA-Economics" xəbər verir ki, bu barədə jurnalistlərə iqtisadiyyat nazirinin müavini Sahib Məmmədov deyib.

Nazir müavini həm elektron qaydada, həm də "195-2" Çağrı mərkəzi vasitəsilə Şuraya müraciət etməyin mümkün olacağını deyib. Nazirliyin bu Çağrı mərkəzinə qoşulduğunu deyən S. Məmmədov qeyd edib ki, mərkəzə daxil olan bütün müraciətlərə dərhal operativ reaksiya verilir.