MİT-in MƏXFİ HESABATI: PKK Azərbaycanda

Türkiyə mətbuatının yazdığına görə Milli İstihbarat Təşkilatının (MİT) erməni jurnalist, “Aqos” qəzetinin redaktoru Qrant Dinkin öldürülməsi işi üzrə hazırlanan yeni ittihama əlavə edilmiş məxfi hesabatı üzə çıxıb. Və həmin hesabatda PKK-nın Azərbaycan da daxil olmaqla bəzi ölkələrdəki fəaliyyətindən bəhs edilir. Məxfi məruzə 2011-ci il martın 1-dən 31-nə qədər olan kəşfiyyat məlumatları əsasında hazırlanıb.

Virtualaz.org odatv.com-a istinadən xəbər verir ki, məxfi məruzə 2011-ci il aprelin 24-də Emniyyet Genel Müdirliyi tərəfindən dörd regional polis idarəsinə göndərilib. “MİT-dən alınan və 1-31 mart 2011 il tarixlərini əhatə kəşfiyyat bülleteni fəaliyyətinizdə nəzərə alınması üçün göndərilir”-Emniyyetin məktubunda göstərilir.

Məruzədə MİT-in həmin dövrdə erməniləri, rumları və digər etnik-dini azlıqlara dair kəşfiyyat məlumatlarını  “Etnik separatçı fəaliyyətlər” bölməsində cəmləşdirib. Qrant Dinkin 2007-ci ildə qətlə yetirilməsini və ermənilərin bu hadisədən istifadə edərək Türkiyə əleyhinə təbliğat aparmasını “erməni məsələsi” kontekstində nəzərdən keçirilməli olduğunu bildirib.

Sənəddə “Terror təşkilatları” bölməsində PKK, DHKPC və digər radikal solçu terror təşkilatları, habelə PKK-nın aralarında Fransa, Almaniya, Azərbaycan və Ukrayna başda olmaqla bir çox ölkələrdəki fəaliyyətləri  barədə kəşfiyyat məlumatlarına yer verilib. Lakin MİT-in məruzəsinin həmin hissəsinin detalları mətbuatda yayılmayıb.

635x100

Şərhlər

Hər hansısa bir şərh yazılmayıb.

Son yazılar