Neft sürətlə ucuzlaşmağa başladı
Amerika Energetika Nazirliyinin məlumatları bazara ciddi təsir elədi
Amerika Energetika Nazirliyinin məlumatları dərc edildikdən dərhal sonra neftin qiyməti ucuzlaşmağa başlayıb. ANS PRESS-in məlumatına görə, Bakı vaxtı ilə saat 19:25-də Brent neftinin barrelinin qiyməti ICE birjasında 40,77 dollar olub ki, bu da bircanın bağlanış anındakı qiymətindən 2,5% və ya 1 dollar aşağıdır. Beləliklə, yanvarın 20-dən bu yana bahalaşmağa başlamış neftin ilk dəfə ciddi ucuzlaşma təhlükəsi yaranıb. Yanvarın 20-də Brent neftinin barrelnin qiyməti 27 dollara qədər düşmüşdü.
Amerika Neft İnstitutunun məlumatına görə, ABŞ neft anbarlarında ehtiyatlar ötən həftə 9,4 milyon barrel artıb. Halbuki əvvəlki proqnozlara görə cəmi 2,5 milyon barrelə artım gözlənirdi.
Brent neftinin qiymətinin son 1 ildə dəyişməsi
Energetika sahəsində konsaltinq firmasına rəhbərlik edən Cim Rittirebuş “The Wall Street Journal”a bildirib ki, “benzinə tələbat gözləniləndən xeyli çox olmaqda qalır”. Onun sözlərinə görə, neftin qiymətinin azalması dünyanın iri neft ixracatçılarının hasilat səviyyəsinin azaldılması barədə apardığı müzakirələrin hesabına saxlanır.
Əslində, neftin qiymətinin bu həftə 40 dollar ətrafına sabit saxlayan amillərdən biri kimi məhz hasilatın azaldalması görünür. Londonun «Energy Aspects» şirkətinin məlumatına görə, dünya üzrə həftə ərzində günlük neft hasilatının plandan kənar azalması 2,7 milyon barrel təşkil edib. Bu isə gün ərzində İranın ixracatının 300 min barrel artmasından xeyli çox olub.
Şərhlər
Hər hansısa bir şərh yazılmayıb.