Salyan sakinləri bir-birini bıçaqlayıb
Baxiş sayı:
Dərc olunub:
26/05/2016 - 14:38
Hər iki şəxsin vəziyyəti ağırdır
Salyan rayonunda bıçaqlanma hadisəsi baş verib. “Report” xəbər verir ki, Salyan şəhəri, Ənnağı Hüseynov küçəsi ev 71 ünvanında yaşayan 25 yaşlı Emin Elşən oğlu Nəsibov və şəhərin 28 may küçəsində yaşayan, 18 yaşlı Yaşar Elşən oğlu Ağayevin aralarında baş verən mübahisə hər iki şəxsin bıçaqlanması ilə nəticələnib.
Çoxsaylı bıçaq zərbələri alan hər iki yaralı Salyan Rayon Mərkəzi Xəstəxanasına çatdırılıb. Xəstəxanadan "Report"a bildirilib ki, hər iki yaralı xəstəxananın cərrahiyə şöbəsində əməliyyat olunub və yaralıların vəziyyəti ağır olaraq qalır.
Hadisənin hansı səbəbdən baş verdiyi məlum deyil.
Faktla bağlı Salyan Rayon Polis Şöbəsində araşdırma aparılır.
Şərhlər
Hər hansısa bir şərh yazılmayıb.