PREZİDENTLƏR YENİDƏN FRANSADA GÖRÜŞƏCƏKLƏR - Ermənistan XİN-də qapalı görüş olub

prezidentl'

Uorlik: "Həmsədrlər prezidentlərin görüşünü tez bir zamanda təşkil etmək niyyətindədir"

“Prezidentlərin növbəti görüşü ilə bağlı müəyyən tarix olmasa da, ABŞ, Fransa və Rusiya həmsədr dövlətlər kimi, görüşü tez bir zamanda təşkil etmək niyyətindədir”. Bu sözləri APA-ya açıqlamasında ATƏT-in Minsk qrupunun amerikalı həmsədri Ceyms Uorlik növbəti görüşün Fransada keçirilməsi ehtimalı ilə bağlı deyib.

Qeyd edək ki, Fransa tərəfi prezidentlərin növbəti görüşünə ev sahibliyi etməyə hazır olduğunu bəyan edib.

B u arada Ermənistanda parlamentin xarici əlaqələr komissiyasının üzvlərinin Qarabağ məsələsinə görə XİN-də qapalı görüşə çağırıldıqları məlum olub. Virtualaz.org xəbər verir ki, bu, prezidentlərin Sankt-Peterburq görüşü zamanı Rusiya prezidenti Vladimir Putinin Azərbaycanın işğal edilmiş 5 rayonunun qaytarılmasını, Dağlıq Qarabağa möhkəm aralıq statusun verilməsini nəzərdə tutan planının müzakirə olunduğu haqda yayılmış xəbərlərin ardınca baş verib. Həmin plan haqda Ermənistanın ANİ araşdırmalar mərkəzi məlumat yaymışdı.

Mərkəz bildirdirdi ki, diplomatik mənbələrdən Putinin tərəflərə təqdim etdiyi plan barədə məlumat əldə edib və həmin plana əsasən 5 rayon qaytarılır, Dağlıq Qarabağ Madrid prinsiplərində nəzərdə tutulan aralıq statusdan daha üstün aralıq status alır. Bu status Dağlıq Qarabağın Azərbaycanın tərkibinə qaytarılmasını nəzərdə tutmur, eyni zamanda təsəvvür olunan gələcəkdə müstəqillik əldə etməsini də təsbit etmir. Plana əsasən Dağlıq Qarabağda yekun statusa dair referendumun keçirilməsi qeyri-müəyyən vaxta təxirə salınır, eyni zamanda Laçın və Kəlbəcərin qaytarılması haqda heç nə deyilmir. Bildirilirdi ki, Azərbaycan tərəfi bu planla razı deyil, Dağlıq Qarabağın formal da olsa Azərbaycanın tərkibində olmasında israr edir.

“Putin planı”nın açıqlanması Ermənistan siyasi dairələrində ərazilərin qaytarılması hazırlıqlarının getdiyi haqda təşvişə səbəb olub. “Joqovurd” qəzetinin yazdığına görə həmin gün iyunun 28-də Ermənistan parlamentinin xarici əlaqələr komissiyasının üzvləri XİN-ə, nazir Edvard Nalbəndyanla qapalı görüşə çağırılıb. Görüş üçün vaxt saat 18.00-dan 20.00-a qədər müəyyən edilib. Lakin deputatlar görüşə az qala bir saat gecikiblər və nəticədə tədbir nəzərdə tutulan vaxtdan qısa olub. Görüşdə Nalbəndyan deputatları əmin edib ki, Sankt-Peterburqda prezidentlərin üçtərəfli görüşündə münaqişənin həlli yollarına dair heç bir sənəd müzakirə predmeti olmayıb. Görüşdə yeganə mövzu təmas xəttində stabil atəşkəs rejiminin yaradılması barədə olub.

 

635x100

Şərhlər

Hər hansısa bir şərh yazılmayıb.

Son yazılar