MTN-in "işgəncə kralı"nın “Galenvagen”i yararsız hala salınıb - QİSAS

Ləğv olunmuş Milli Təhlükəsizlik Nazirliyinin İstintaq Baş İdarəsinin sabiq rəis müavini Sahib Ələkbərova məxsus “Mersedes Galenvagen” paytaxt küçələrinin birində yararsız hala salınıb.

Bu barədə Gununsesi.info-nu məlumatlandıran mənbənin sözlərinə görə, Sahib Ələkbərova məxsus avtomobili oğlu idarə edirmiş. Avtomobili küçədə park edən MTN polkovnikinin oğlu qayıdanda maşının üzərinə müxtəlif boyalar atıldığını görüb. Olaydan şok yaşayan polkovnik oğlu həmçinin, avtomobilin qapı və qarşı örtüyünün də kəsici alətlə zədələndiyini görüb.

Ehtimallara görə, bu Sahib Ələkbərovun vaxtilə, qanunsuzluqlar etdiyi şəxslərin qisası olub. Maraqlıdır ki, Sahib Ələkbərovun oğlu hadisənin polis tərəfindən araşdırılmasında maraqlı olmayıb.

Qeyd edək ki, Sahib Ələkbərov hələ Eldar Mahmudov “vurulmazdan” 7 ay əvvəl həbs edlmişdi. Sonradan MTN rəhbərliyinin səyi nəticəsində azadlığa çıxan Sahib Ələkbərov MTN-də “işgəncə kralı” kimi tanınıb.