“Rusiya Türkiyəyə ən çox dəstək verən ölkələrdən biri oldu” - Çavuşoğlu
Baxiş sayı:
Dərc olunub:
24/07/2016 - 00:16
Rusiya çevrilişə cəhd zamanı Türkiyə demokratiyasına ən çox dəstək verən ölkələrdən biri olub.
APA-nın NTV telekanalına istinadən verdiyi xəbərə görə, bunu Türkiyə XİN rəhbəri Mövlud Çavuşoğlu bildirib.
“Bir çox ölkə Türkiyədə demokratiyaya dəstək mesajları göndərmişdilər. Rusiya ən çox dəstək verən ölkələrdən biri olub”, - deyə Çavuşoğlu qeyd edib.
O, Türkiyə təhlükəsizlik sistemində boşluqların olduğunu etiraf edib: “Çevriliş cəhdi barədə yalnız ehtimallar olsaydı belə, prezident lap əvvəldən bu barədə xəbər tutmalı idi”, - deyə nazir vurğulayıb.
Onun sözlərinə görə, son hadisələr Türkiyə rəhbərliyi üçün dərs olub: “Vətəndaşların bu cür təhdidlərlə bir daha üzləşməməsi üçün bütün lazımi tədbirlər görüləcək”.
Şərhlər
Hər hansısa bir şərh yazılmayıb.