"Putin Qarabağla da məşğul olacaq"- Rusiyalı politoloq
Baxiş sayı:
Dərc olunub:
24/04/2014 - 19:36
Öz təsirini Ukraynanın bir hissəsinə yayandan sonra Putin, çox güman, Dağlıq Qarabağ və Latviya ilə də məşğul olacaq. Bu fikri Azadlıq Radiosunun rus xidmətinə müsahibəsində rusiyalı politoloq Stanislav Belkovsky dilə gətirib və deyib: «Belə düşünürəm ki, Ukraynadan sonra onun önündə Dağlıq Qarabağın tanınması məsələsi durur. Beləcə, Putin ABŞ, Kanada və Fransadakı erməni diasporunun dəstəyini alacaq. Bu, xarici siyasət baxımından ondan ötrü önəm daşıyır. Latviyada Rusiyaya yaxın qüvvələrin hakimiyyətə gətirilməsi də vacibdir, çünki o (Putin – red.) Baltikada ayağına yer etməlidir. Bunu Estoniya və Litvada edə bilməz, amma Latviyada mümkündür».
Rusiyalı politoloqun fikrincə, Putin NATO ölkələri ərazisində Ukraynadakı kimi davranmayacaq.
Şərhlər
Hər hansısa bir şərh yazılmayıb.