5 bank dollar satışını dayandırdı

Bu gün oktyabrın 24-də daha 2 bank dollar satışını dayandırıb.

Fins.az-ın araşdırması göstərdi ki, “Azər-Türk bank” və Pakistan Milli Bankının Bakı filialı bu gün xarici valyuta satışını dayandırıb.

Amma bank rəsmiləri dollar satışının dayandırılmasının səbəblərini açıqlamayıblar.

Xatırladaq ki, ötən həftənin son iş günü “Ekspresbank” dollar satışını dayandırmışdı. Artıq bu gün bank 500 dollarlıq limitlə valyuta satışını bərpa edib.

Bundan başqa “Bank VTB (Azərbaycan)” və “Naxçıvanbank” dollar satışını dayandırıb. “Paşa Bank” da xarici valyuta satışını dayandırıb. Bank ancaq öz müştərilərinə 500 dallarlıq limitlə satır.

“Bank Respublika” isə valyuta alıcılarına 5 min dollarlıq limit tətbiq edir.

Beləliklə, dollar satmayan bankların sayı 5-ə çatıb .