Goranboyda ağır yol qəzası - Ölən və yaralanan var
Baxiş sayı:
Dərc olunub:
08/12/2016 - 20:12
Goranboy rayonunda ağır yol qəzası baş verib.
"Report"un Qərb bürosunun verdiyi məlumata görə, hadisə Bakı-Ələt-Qazax-Gürcüstanla dövlət sərhədi avtomobil yolunun Goranboy rayonunun Borsunlu kəndi ərazisindən keçən hissəsində qeydə alınıb.
Belə ki, Bakı şəhərindən Qazax rayonuna hərəkət edən “Daewoo” markalı sərnişin avtobusu ilə "VAZ-2107" markalı minik avtomobili toqquşub. Nəticədə minik avtomobilində olan bir nəfər ölüb, bir nəfər isə yaralanıb. Yaralı, Goranboy rayonu Şıxlar kəndinin sakini, 1969-cu il təvəllüdlü Hamil Həsənov Goranboy Rayon Mərkəzi Xəstəxanasına yerləşdirilib. Ölənin şəxsiyyəti dəqiqləşdirilir.
Faktla bağlı araşdırma aparılır.
Şərhlər
Hər hansısa bir şərh yazılmayıb.