«Cəbhət ən-Nusra» Hələbdən təxliyyə olunmasını istəyib!

AzPolitika.info xarici KİV-ə istinadla xəbər verir ki, hökumət qüvvələri tərəfindən mühasirəyə alınmış «Cəbhət ən-Nusra" qruplaşmasının döyüşçüləri Hələb şəhərindən təxliyyə olunmalarını xahiş ediblər. Onlar şimal dəhlizi - Kastello yolu ilə şəhəri tərk etməyə razılaşıblar.

Bu barədə xəbəri Suriya hərbçiləri ilə silahlılar arasında vasitəçilik edən mənbələrə istinadla «Hizbullah» hərəkatına məxsus Əl-Manar telekanalı yayıb.

Telekanalın məlumatına görə, hazırda Suriya ordusu bu qruplaşmanın Bustan-əl-Kəsr rayonundakı sonuncu qalasına hücuma keçməyə hazırlaşır və bu məqsədlə terrorçuların atəş mövqelərinə və komanda məntəqələrinə güclü-silsilə zərbələr endirib.

Çərşənbə günü hökumət qüvvələri Hələbin mərkəzində şəhər müdafiəçiləri ilə birləşiblər. Hazırda onlar şəhərin tarixi hissəsində terrorçular tərəfindən tərk edilmiş məhəllələrinin təmizlənməsi ilə məşğuldurlar.