“PULLARI VERDİYİM MTN POLKOVNİKİ ÖZÜNÜ ASDI” - Dələduz polkovnik

mehkeme-16Bakı Ağır Cinayətlər Məhkəməsində “Azərbaycan Dəmir Yolları” QSC-nin Bakı Dəmir Yolu Qovşağı Mülki Müdafiə Qərargahının sabiq rəisi, polkovnik Əlövsət Məhərrəmovun cinayət işi üzrə məhkəmə prosesi keçirilib.

APA-nın məlumatına görə, iclasda Əlövsət Məhərrəmovun həyat yoldaşı Mehriban Abdullayeva ifadə verib. Mehriban Abdullayeva heç nədən xəbəri olmadığını deyib. Hakim ondan ərinin işə düzəltmək adı ilə vətəndaşlardan pul almasını bilib-bilməməsini soruşub. Mehriban Abdullayeva ərinin işlərinə qarışmadığını deyib. O, vəkillərin suallarına cavab olaraq bildirib ki, həyat yoldaşı ayda 500 manat maaş alıb. Prokuror təqsirləndirilən Əlövsət Məhərrəmovdan zərərçəkmişlərdən aldığı 670 min manatın harada olmasını soruşub.

Əlövsət Məhərrəmov isə pulları MTN polkovnikinə verdiyini deyib: “Pulları verdiyim MTN polkovniki özünü asdı”.

Məhkəmə prosesi dekabrın 23-də davam edəcək.

Qeyd edək ki, Ə.Məhərrəmovun vətəndaşları aldatması halları 2014-cü ilin sonlarında edilən çoxsaylı şikayətlərdən sonra məlum olub. Ə.Məhərrəmov ötən ilin fevralında həbs edilib. Onun barəsində Cinayət Məcəlləsinin 178-ci (dələduzluq) maddəsi ilə cinayət işi açılıb. (APA)

Çox böyük ehtimalla, Ə.Məhərrəmov özünü asan MTN polkovniki deyərkən MTN Antiterror Mərkəzinin rəis müavini İlqar Əliyevi nəzərdə tutur.

635x100

Şərhlər

Hər hansısa bir şərh yazılmayıb.

Son yazılar