«ABŞ Rusiya ilə münasibətlər üçün yeni əsas axtaracaq» - Maykl Pens

AzPolitika.info xarici KİV-ə istinadla xəbər verir ki, Amerika Birləşmiş Ştatlarının (ABŞ) vitse-prezidenti Maykl Pens Brüsseldə Avropa Şurasının (AŞ) başçısı Donald Tuskla görüşündən sonra keçirdiyi mətbuat konfransında bəyan edib ki, ölkəsi Rusiya ilə münasibətlər üçün yeni əsas axtaracaq.

«Biz, Rusiya ilə münasibətlər üçün yeni əsasla, yeni yollar arayacağıq» - deyə, Pens qeyd edib.

«ABŞ Avropa ölkələrinin suverenliyinin və ərazi bütövlüyünün qorunması üçün səylərini göstərməkdə davam edəcək» - Pens bəyan edib.

O, təsdiqləyib ki, «Rusiya sərhədlərin güc yolu ilə dəyişdirilməsi üçün səylər göstərir».

«Biz, Polşanı və Baltik ölkələrini «öncül hərbi iştirakın gücləndirilməsi» barədə NATO təşəbbüslərinin köməyi ilə dəstəkləyəcəyik» - Pens əlavə edib.

Vitse-prezidentin sözlərinə görə, Preziden Donald Tramp Avropa İttifaqı ilə sıx əməkdaşlığın tərəfdarıdır.

«Mən buradayam ki, Prezident Donald Trampın əvəzindən, ABŞ-n Avropa İttifaqı ilə əməkdaşlığının davam etməsinin güclü tərəfdarı olduğunu ifadə edim. ABŞ, Avropa İttifaqı və NATO informasiya mübadiləsini gücləndirməlidirlər ki, Avropada terror aktları təkrar olmasın» - deyə, Maykl Pens əlaıə edib.