İntihar anonsu verən yazıçıdan xəbər var - Deputat hadisə yerində (Yeniləndi)

İntihar anonsu verən tanınmış şair, yazıçı Kənan Hacı sağ-salamatdır.

Bu barədə deputat Qənirə Paşayeva məlumat verib.

O qeyd edib: "Kənan Hacının evinə gəldik, amma heç kəs yox idi. Yoldaşı ilə görüşdük. O da Kənanın necə tapılacağını bilmir. İndi telefonla danışdıq. Çox şükür ki, sağdır. Hazırda onunla görüşməyə gedirik. Dostlar, narahat olmayın”.

***

Tanınmış şair, yazıçı Kənan Hacı gənc yazar Mövlud Mövludun intiharından sonra sosial şəbəkədə intihar edəcəyi ilə bağlı status paylaşıb.

BakiPost.az xəbər verir ki, onun "Yoruldum artıq... Günahlarımın bağışlanacağına ümid edirəm... Salamat qalın!” sözləri yaxınlarının ciddi narahatlığına səbəb olub.

Bu statusundan sonra yazıçı telefonlarınə söndürüb. Bir çox şəxs isə onun yaşadığı evə gedib, lakin evdə heç kimin olmadığını bildirib. Millət vəkili Qənirə Paşayeva da Kənan Hacının evinə yollanıb.

Yazıçının həyat yoldaşı İlhamə Dağlı isə K. Hacı ilə əlaqə saxlaya bilmədiyini, hazırda işdə olduğunu və məsələdən xəbərsiz olduğunu deyib.

Məlumat üçün bildirək ki, Kənan Hacı uzun illərdir, Hepatit C xəstəliyindən əziyyət çəkir.