BEYNƏLXALQ BANK YENİDƏN MANATA ZƏRBƏ VURACAQ - Deputatdan xəbərdarlıq
Xəbər verdiyimiz kimi, Azərbaycan Beynəlxalq Bankının (ABB) xarici borcunun müəyyən hissəsi dövlətə ötürülür. Bununla bankın sağlamlaşdırılmasının növbəti mərhələsinə başlanılıb.
Millət vəkili Vahid Əhmədov bildirib ki, bank özəlləşdirilməyə hazırlanır və buna görə də onun aktivlərində passiv aktivlər olmasın deyə bu addımlar atılır: “Məsələ ondan ibarətdir ki, səhmlərinin 51%-i dövlətə məxsus olsa da, vaxtında bankın üzərində lazımi nəzarət olmayıb. Bir nəfəri cinayət məsuliyyətinə cəlb ediblər. Amma faktiki qalan şəxslər kənarda qalıb. Bu gün bankın sağlamlaşdırılması əziyyəti yenidən dövlətin, əhalinin üzərinə düşür”.
“Söhbət 6 milyard manatdan gedir”
Millət vəkili bildirib ki, Beynəlxalq Bankda yaranan vəziyyət dövlət üçün çox böyük problemdir. Bankın aktivlərinin dövlət büdcəsi hesabına sağlamdırılırması maliyyə sisteminə təsir göstərəcək. Amma bankı hazırki vəziyyətdə saxlamaq da düzgün deyil: “Bankın sağlamlaşdıırılması düzgün qərardır”.
Dollar 2 manata çatacaq
Sağlamlaşdırılma üçün büdcədən Beynəlxalq Banka vəsaitlər ayrılması manatın sentyabr ayında dolların yenidən əvvəlki səviyyəsinə qaytara bilər. V.Əhmədov deyib ki, istənilən halda maliyyə bazarında belə bir vəziyyət yarananda, müəyyən qədər iri valyutalar bazara buraxılanda milli valyutaya da təsirsiz ötüşmür.
Hazırda idxalın azaldılması ilə ticarət dövriyyəsində müsbət saldo yaranıb. Müəyyən qədər manat qıtlığı yaratmaqla məzənnəni saxlamaq mümkün olub. Sentyabr ayından sonra bunu etmək daha çətin olacaq. Çünki elə məhsullar var ki, real sektorun inkişafı üçün Azərbaycan onu idxal etməyə məcburdur.
Şərhlər
Hər hansısa bir şərh yazılmayıb.