Yunanıstanda sabiq baş nazirin avtomobili partladılıb, 4 nəfər yaralanıb

Yunanıstanın sabiq baş naziri Lukas Papadimosun avtomobilində partlayıcı qurğunun işə düşməsi nəticəsində dörd nəfər xəsarət alıb. APA-nın “RİA Novosti”yə istinadən verdiyi xəbərə görə, Papadimos yaralansa da, onun həyatına heç bir təhlükə yoxdur.

“Papadimos xəstəxanaya yerləşdirilib, onun həyatına heç bir təhlükə yoxdur. Bağlamaya yerləşdirilən partlayıcı qurğu işə düşüb. Partlayış avtomobildə baş verib, sabiq baş naziri müşayiət edən üç şəxs də xəsarət alıb”, - deyə polisdən bildirilib.

Məlumata görə, partlayış Papadimos bağlamanı açarkən baş verib. Sabiq baş nazirin əlindən və qarın nahiyəsindən xəsarət aldığı bildirilir. Partlayış avtomobil hərəkətdə olarkən baş verib.

Lukas Papadimos 2011-2012-ci illərdə Yunanıstanın baş naziri vəzifəsində çalışıb.

635x100

Şərhlər

Hər hansısa bir şərh yazılmayıb.

Son yazılar