“Ronaldo əvəzolunmaz deyil” – Luiş Fiqo

Portuqaliya millisinin sabiq futbolçu Luiş Fiqo “Real”ın futbolçusu Kriştiano Ronaldonun komandadan ayrılması xəbərlərinə münasibət bildirib.

Qol.az-ın məlumatına görə, bu barədə ölkəsinin mətbuatına açıqlama verən veteran futbolçu Ronaldonun əvəzolunmaz olmadığını deyib:

“Real” kimi komandaların adı klubun prezidenti daxil olmaqla hər kəsin adından böyükdür. Sadəcə, Ronaldo yox, heç kimin əvəzolunmaz olmadığını düşünürəm”.

O, həmyerlisinin Madrid klubundan ayırlmayacağına inanmadığını da söyləyib: “Bu, onun şəxsi qərarıdır. Əgər kimsə bir şeyin həqiqətən olmasını istəyirsə, alınacaq. Ancaq mən Kriştianonun “Real”dan ayrılacağını düşünmürəm”.

Qeyd edək ki, 2000-ci ildə 60 milyon avroya “Barselona”dan “Real”a keçən Fiqo Madrid klubu ilə iki dəfə La Liqa çempionluğunu və ölkə kubokunu qazanıb. Bir dəfə isə Çempionlar Liqasının və UEFA Superkubokunun qalibi olub.