«Rusiya ABŞ-dakı seçkilərə müdaxilə edib…» - Donald Tramp

«AzPolitika.info»-nun xarici KİV-ə istinadla verdiyi xəbərə görə, Amerika Birləşmiş Ştatlarının (ABŞ) Prezidenti Donald Tramp hesab edir ki, Rusiya bu ölkədə keçirilən prezident seçkilərinə müdaxilə edib, ancaq bunu digər dövlətlər də edə bilərdi.

ABŞ Prezidenti bu bəyanatla Varşavada Polşalı həmkarı Anjey Duda ilə görüşdən sonra keçirdiyi mətbuat konfransında çıxış edib.

Amerikalı lider daha bir neçə bəyanat səsləndirib. O, Rusiyanın Şərqi Avropadakı davranışını sabitliyi pozan hərəkət adlandırıb və deyib ki, ABŞ Şimali Koreyaya yönəlik ciddi addımlar atmağa hazırdır.